Google Payની શરતોમાં ઉમેરણી: ભારતના અનિવાસીઓ માટે Google Payની સેવાની શરતો

ભારતના નિવાસીઓ માટે Google Payની સેવાની શરતો

છેલ્લે અપડેટ કર્યાની તારીખ: 11 ડિસેમ્બર, 2024

1. પ્રસ્તાવના

લાગુ થતી શરતો. Google Payનો ઉપયોગ કરવા બદલ આભાર. Google Payની સંયુક્ત શરતો (નીચે વ્યાખ્યાયિત)ના ઉદ્દેશો માટે, "Google Pay" એવી સેવા છે જે ભારતના નિવાસી વપરાશકર્તાઓને Google India Digital Services Private Limited દ્વારા પ્રદાન કરવામાં આવે છે, તેની રજિસ્ટર્ડ ઑફિસ પાંચમો માળ, DLF સેન્ટર, બ્લૉક 124, નરિન્દ્ર પ્લેસ, સંસદ માર્ગ, નવી દિલ્હી - 110001 ખાતે છે ("Google") અને અગાઉ તેનું નામ Tez હતું. Google Pay ઍક્સેસ કરીને, ડાઉનલોડ કરીને અથવા તેનો ઉપયોગ કરીને તમે નીચેનાનું પાલન કરવા અને તેને બંધનકર્તા માનવા માટે સંમત થાઓ છો:

1. Google સેવાની શરતો  ("વૈશ્વિક શરતો");
2. ભારતના નિવાસીઓ માટે Google Payની આ સેવાની શરતો ("Google Payની શરતો");
3. Google પ્રાઇવસી પૉલિસી ("પ્રાઇવસી પૉલિસી");
4. Google Payની પૉલિસીઓ  ("Google Payની પૉલિસીઓ");
5. Google Pay ઑફરની સેવાની શરતો ("સામાન્ય Google Pay ઑફરોની શરતો"); અને
6. Google Payની ફરિયાદો હૅન્ડલ કરવાની પૉલિસી ("ફરિયાદો હૅન્ડલ કરવાની પૉલિસી").

આ છ દસ્તાવેજોનો અહીં એક સાથે "સંયુક્ત Google Pay શરતો" તરીકે સંદર્ભ આપવામાં આવ્યો છે.

કૃપા કરીને Google Payની આ દરેક સંયુક્ત શરતો વૈશ્વિક શરતોથી શરૂ કરીને કાળજીપૂર્વક વાંચો, કારણ કે તે તમારા કાનૂની હકો, વળતરો અને જવાબદારીઓ વિશેની મહત્ત્વપૂર્ણ માહિતી ધરાવે છે. આ સંયુક્ત Google Pay શરતો તમારી અને Google વચ્ચે કાનૂની રીતે પ્રતિબદ્ધ કરનારો કરાર રચે છે જે Google Payની સેવાઓના તમારા ઍક્સેસ અને ઉપયોગનું સંચાલન કરે છે (અહીં વ્યાખ્યાયિત કર્યા મુજબ). તમને આ દસ્તાવેજો ન સમજાય અથવા તમે તેના કોઈ હિસ્સાનો સ્વીકાર ન કરતા હો, તો તમારે Google Payની સેવાઓનો ઉપયોગ કરવો જોઈએ નહીં. તમે સમજો છો કે Google Pay પર સેવાઓ ઉત્તરોત્તર ઑફર કરાય અને આ સંયુક્ત Google Pay શરતો તે અનુસાર લાગુ કરાય તેમ બની શકે.

Google Group કંપનીઓનો ઉપયોગ. તમે એ પણ સમજો છો અને અહીં સંમત થાઓ છો કે Google પોતાના વતી તમને Google Payની કોઈપણ સેવાઓ પ્રદાન કરવા માટે તેની Group કંપનીઓની સેવાઓનો ઉપયોગ કરવાનો અધિકાર Google આરક્ષિત રાખે છે (અહીં વ્યાખ્યાયિત કર્યા મુજબ).

તમે વધુમાં સમજો છો અને સંમત થાઓ છે કે આ સંયુક્ત Google Pay શરતોમાંથી કોઈપણને સમય સમય પર અપડેટ કરવાનો અધિકાર Google આરક્ષિત રાખે છે. તમે તમારી જાતને અપ ટૂ ડેટ રાખો અને થોડા અંતરાલોએ સંયુક્ત Google Pay શરતો વાંચો તેની તમારે ખાતરી રાખવી જોઈએ. આ Google Pay શરતો અને વૈશ્વિક શરતો વચ્ચે કોઈ વિસંવાદિતા હોય, તો આ Google Pay શરતોનું પ્રાધાન્ય રહેશે.

સંયુક્ત Google Pay શરતો સ્વીકારીને તમે નીચેની બાબતોનું પ્રતિનિધિત્વ કરો છો અને બાંહેધરી આપો છો:

• તમારી ઉંમર 18 વર્ષ કે તેથી વધુ છે;
• તમે કાનૂની રીતે પ્રતિબદ્ધ કરનારો કરાર કરવા સક્ષમ છો; અને
• ભારતના કાયદા અંતર્ગત Google Pay ઍક્સેસ કરવાની કે તેનો ઉપયોગ કરવાની તમને મનાઈ કરેલી નથી કે અન્યથા તમારા પર કાનૂની રીતે પ્રતિબંધ નથી.

માતાપિતા અથવા કાયદેસર વાલીની પરવાનગી. તમારી વય 18 વર્ષ કરતાં ઓછી હોય ("કિશોર(કિશોરો)"), તો તમે રજૂઆત કરો છો કે Google Payનો ઉપયોગ કરવાની તમારા માતાપિતા અથવા કાયદેસર વાલીની પરવાનગી તમારી પાસે છે. કૃપા કરીને તમે સાથે હો ત્યારે તેઓ સંયુક્ત Google Pay શરતો વાંચે અને સ્વીકાર કરે તેમ કરો.

તમે કોઈ કિશોર વયના બાળકના માતાપિતા અથવા કાયદેસર વાલી હો, તો કિશોર બાળકને Google Payનો ઉપયોગ કરવાની મંજૂરી આપવાથી તમે સંયુક્ત Google Pay શરતોને આધીન બનો છો અને Google Pay પર તમારા કિશોર વયના બાળકની ઍક્ટિવિટી બાબતે જવાબદાર બનો છો. આથી કિશોર વયના બાળક વતી તેમના માતાપિતા અથવા કાયદેસર વાલી સંયુક્ત Google Pay શરતો સાથે સંમત ન થાય તો કિશોર વયના બાળકો Google Payનો ઉપયોગ ન કરી શકે.

ત્રીજા પક્ષના નિયમો અને શરતો. Google Pay અંતર્ગત Google ત્રીજા પક્ષની પ્રોડક્ટ અથવા સેવાઓની જોગવાઈની સુવિધા આપે તેમ બની શકે. આ ત્રીજા પક્ષની પ્રોડક્ટ અથવા સેવાઓનો ઉપયોગ કરવા માટે તમારે વધારાના નિયમો અને શરતો સ્વીકારવા તથા વધારાની આવશ્યકતાઓ પૂરી કરવી જરૂરી હોય તેમ બની શકે.

2. વ્યાખ્યાઓ

આ Google Pay શરતોમાં આવતી વ્યાખ્યાઓ:

"લાગુ થતા કાયદા" એટલે રિઝર્વ બેંક ઑફ ઇન્ડિયાના નિયમનો અને ચુકવણી સહભાગીના નિયમો સહિતના તમામ લાગુ થતા કાયદા, નિયમો, નિયમનો, માર્ગદર્શિકાઓ, વૈધાનિક કે સરકારી નોટિફિકેશન.

"BBPOU" એટલે લાગુ થતા ભારત બિલ ચુકવણી સિસ્ટમના નિયમનકારી ફ્રેમવર્ક અંતર્ગત ઑપરેટ કરતું ભારત બિલ ચુકવણી ઑપરેટિંગ એકમ.

"બિલર" એટલે બિલર ઍગ્રિગેટર અથવા BBPOU મારફતે બિલ ચુકવણી સેવાઓ માટે Google Pay દ્વારા સપોર્ટ કરાતા પ્રીપેઇડ સેવા પ્રદાતાઓ સહિતના બિલર, જેમને Google Pay પર વપરાશકર્તા બિલની ચુકવણી કરી શકે છે.

"બિલ ચુકવણી સેવાઓ" એટલે Google Pay પર વપરાશકર્તાઓને પ્રદાન કરાતી બિલ અથવા પ્રીપેઇડ પ્લાન જોવાની અને બિલરને ચુકવણીઓ કરવાની તથા અન્ય સહાયક સેવાઓ પ્રાપ્ત કરવાની સુવિધા.

“ક્રેડિટ કાર્ડ” એટલે ક્રેડિટ સંસ્થા સાથેના તમારા કરાર અનુસાર ક્રેડિટ સંસ્થા દ્વારા તમને ઑફર કરાતું કોઈપણ ક્રેડિટ કાર્ડ.

“ક્રેડિટ કાર્ડ સેવાઓ” એટલે ક્રેડિટ કાર્ડ લાગુ કરવા અને મેનેજ કરવા તેમજ ક્રેડિટ સંસ્થાઓ દ્વારા તમને ઑફર કરાતી સંબંધિત ઑફરો અને સેવાઓ માટેની Google Pay સેવાઓ.

“ક્રેડિટ માહિતી” ખાસ ક્રેડિટને લગતી તમારી કોઈપણ માહિતી છે જેમ કે તમારો ક્રેડિટ સ્કોર અને તમારો ક્રેડિટ માહિતી રિપોર્ટ.

“ક્રેડિટ માહિતી રિપોર્ટ” TUCIBIL દ્વારા જનરેટ કરાતો રિપોર્ટ છે જે તમને GPay પર દેખાય છે.

"ક્રેડિટ સંસ્થાઓ" એટલે બેંક, બિન-બેંકિંગ નાણાકીય સંસ્થાઓ અને અન્ય ક્રેડિટ પર વેચાણ કરનારાઓ જેમની પાસે વપરાશકર્તાઓને ધિરાણો અને લોન આપવા માટે લાગુ થતી નિયમનકારી સત્તાઓની જરૂરી પરવાનગીઓ હોય.

"ક્રેડિટ સ્કોર" Google Pay પર TUCIBIL દ્વારા અપાતા તમારા ક્રેડિટ માહિતી રિપોર્ટમાં રહેલો સ્કોર છે.

"ક્રેડિટ સ્કોર સિમ્યુલેટર" Google Pay પર TUCIBIL દ્વારા અપાતું ટૂલ છે જે તમે ઉપયોગ કરતા હો તે નાણાકીય સેવાઓની પ્રોડક્ટ સાથેની તમારી ક્રિયાપ્રતિક્રિયા તમારા હાલના CIBIL સ્કોરને કેવી રીતે અસર કરે છે તે તમને શીખવાડવા માટે છે, ઉદાહરણ તરીકે, ક્રેડિટની ચુકવણી ન કરવાની અસર.

"ગ્રાહકની બેંક" એટલે એ બેંક જ્યાં વપરાશકર્તા તેમનું ફંડિંગ એકાઉન્ટ જાળવે છે અને UPI મારફતે થતી ચુકવણીના વ્યવહારો ડેબિટ/ક્રેડિટ કરવાના ઉદ્દેશથી તેમણે તે ફંડિંગ એકાઉન્ટને લિંક કરેલું છે.

"વાપરનાર દ્વારા પરવાનગી હોય તેવો ઉદ્દેશ" એટલે નીચેની શરતોને આધીન રહીને Google Pay પર તમારા દ્વારા વિનંતી કરાય તે મુજબ અને ત્યારે તમને ક્રેડિટ માહિતીનો ઍક્સેસ આપવાના એકમાત્ર ઉદ્દેશ માટે ક્રેડિટ માહિતીનો ઉપયોગ.

"ફંડિંગ એકાઉન્ટ" એટલે ચુકવણીના વ્યવહારોને ભંડોળ આપવા માટે વપરાશકર્તા દ્વારા નોંધાયેલું અથવા ઉપયોગમાં લેવાતું ક્રેડિટ કાર્ડ, બેંક એકાઉન્ટ (ડેબિટ કાર્ડ અથવા નેટબેંકિંગ મારફતે), BHIM UPI એકાઉન્ટ અથવા ચુકવણીનું પ્રીપેઇડ ઇન્સ્ટ્રુમેન્ટ (જેમ કે કૅશ કાર્ડ અથવા ઇ-વૉલેટ).

"GAP" એટલે MMTC દ્વારા પ્રદાન કરાતો ગોલ્ડ અક્યૂમ્યુલેશન પ્લાન.

"ગોલ્ડ એકાઉન્ટ" એટલે Google Pay પરનું એવું એકાઉન્ટ જે GAP સાથે લિંક કરેલું છે.

"ગોલ્ડ" એટલે તમારા GAP એકાઉન્ટનું ગોલ્ડ.

"Google એકાઉન્ટ" એટલે વૈશ્વિક શરતોમાં વ્યાખ્યાયિત કર્યા મુજબ, તમે Google Pay સેવાઓ અને અન્ય Googleની સેવાઓનો ઉપયોગ કરવા માટે Google અથવા Group કંપનીઓ સાથે બનાવો તે એકાઉન્ટ.

"Google Group કંપનીઓ" અથવા "Group કંપનીઓ" એટલે Googleની મૂળ, તેની સહાયક અને સંલગ્ન કંપનીઓ અને મૂળ કંપનીની અંતિમ હોલ્ડિંગ કંપની તથા તેની પ્રત્યક્ષ કે અપ્રત્યક્ષ સહાયક, તેમની સંલગ્ન કંપનીઓ સહિત.

"Google Pay સેવા(સેવાઓ)" અથવા "સેવા(સેવાઓ)" એટલે Google Pay ઍપ અથવા અન્ય પ્લૅટફૉર્મ મારફતે Google દ્વારા પ્રદાન કરાતી ચુકવણી વ્યવહાર સુવિધા સેવાઓ, મોબાઇલ રિચાર્જ, બિલ ચુકવણી સેવાઓ અને અન્ય સેવાઓ.

"લોન સુવિધા" એટલે ધિરાણ આપતા ત્રીજા પક્ષ દ્વારા, ધિરાણ આપતા ત્રીજા પક્ષ સાથેના તમારા કરાર અનુસાર તમને ઑફર કરાતી લોન અને ધિરાણો.

"લોન સુવિધાની સેવાઓ" એટલે ધિરાણ આપતા ત્રીજા પક્ષ તરફથી તમને અપાતી લોન સુવિધાની સવલત માટેની Google Payની સેવાઓ.

"વેપારી" એટલે એવી વ્યક્તિ કે એકમ જે (i) Google Pay for Business પ્રોગ્રામ ઉપલબ્ધ કરાવે છે; અથવા (ii) ચુકવણી સહભાગિતા મારફતે તેના ગ્રાહકોને ચુકવણીના વિકલ્પ તરીકે Google Pay પ્રદાન કરે છે; અથવા (iii) ઑફલાઇન કે કોઈપણ ઑનલાઇન પ્લૅટફૉર્મ મારફતે કોઈ વેપારી પાસેથી ખરીદેલા સામાન અને સેવાઓ બદલ તેના ગ્રાહકો પાસેથી ચુકવણીઓ એકત્ર કરવા માટે Google Payનો ઉપયોગ કરે છે.

"MMTC" એટલે MMTC-PAMP, Google Pay મારફતે GAP પ્રદાન કરતી કંપની.

"NPCI" એટલે નેશનલ પેમેન્ટ કૉર્પોરેશન ઑફ ઇન્ડિયા, જે રિઝર્વ બેંક ઑફ ઇન્ડિયાના અધિકૃત ચુકવણી સિસ્ટમ ઑપરેટર છે, જે UPIની માલિકી ધરાવે છે અને સંચાલન કરે છે.

"P2P સેવા" એટલે P2P ચુકવણી વ્યવહારોની સુવિધા આપવા માટેની Google Pay સેવાઓ.

"P2P ચુકવણી" અથવા "પીઅર-ટુ-પીઅર ચુકવણી" એટલે વપરાશકર્તા દ્વારા P2P સેવાનો ઉપયોગ કરીને શરૂ કરેલી ચુકવણી જે વપરાશકર્તા (એટલે કે મોકલનાર)ના ફંડિંગ એકાઉન્ટમાંથી ડેબિટ કરે છે (અથવા શુલ્ક વસૂલે છે) અને પ્રાપ્તકર્તા દ્વારા નિયુક્ત ચુકવણીના ઇન્સ્ટ્રુમેન્ટમાં ભંડોળ ઉપલબ્ધ કરાવે છે.

"ચુકવણીનું ઇન્સ્ટ્રુમેન્ટ" એટલે ક્રેડિટ કાર્ડ, ડેબિટ કાર્ડ, બેંક એકાઉન્ટ અથવા ચુકવણીના વ્યવહારોના ભંડોળ માટે કોઈ વપરાશકર્તા ઉપયોગ કરી શકે અથવા પ્રાપ્તકર્તા ચુકવણીઓ પ્રાપ્ત કરી શકે તેવી યોગ્યતા ધરાવતા, લાગુ થતા કાયદા અંતગર્ત ઇશ્યુ કરાયેલા ઇ-વૉલેટ અને ગિફ્ટ કાર્ડ સહિતના ચુકવણીના પ્રીપેઇડ ઇન્સ્ટ્રુમેન્ટનો તેમાં સમાવેશ થાય છે પણ આટલા પૂરતું જ મર્યાદિત નથી.

"ચુકવણીઓની સિસ્ટમ" નો અર્થ લાગુ થતા કાયદાની જોગવાઈઓ અંતર્ગત જે માનવામાં આવતો હોય તે મુજબ રહેશે.

"ચુકવણીના સહભાગીઓ" એટલે એવા બધા પક્ષો જે ચુકવણી સિસ્ટમ સાથે સંકળાયેલા હોય જેમાં ચુકવણી/બિલ ઍગ્રિગેટર, ચુકવણીઓની સિસ્ટમના પ્રદાતાઓ, વ્યવહાર સ્વીકારનારી બેંક, પાર્ટનર બેંક, મોકલનારના ફંડિંગ એકાઉન્ટના રજૂકર્તા, પ્રાપ્તકર્તાનું બેંક એકાઉન્ટ રજૂકર્તા બેંક, ચુકવણીના ઇન્સ્ટ્રુમેન્ટના રજૂકર્તા, કાર્ડ અસોસિએશન, NPCI, રિઝર્વ બેંક ઑફ ઇન્ડિયા, વગેરેનો સમાવેશ થાય છે પણ આટલા પૂરતું જ મર્યાદિત નથી.

“ચુકવણીની સેવા આપનાર કંપની” અથવા “PSP” એવી બેંકિંગ કંપની છે જે ચુકવણીમાં સહભાગી છે, UPI ફ્રેમવર્ક અંતર્ગત "ચુકવણીની સેવા આપનાર કંપની" તરીકે કાર્ય કરવા અધિકૃત છે અને વપરાશકર્તાઓને UPI સેવાઓ પ્રદાન કરવા માટે TPAPને એંગેજ કરે છે.

"ચુકવણીઓની સિસ્ટમના પ્રદાતાઓ" એટલે બેંક, નાણાકીય સંસ્થાઓ, કાર્ડ અસોસિએશન અને ચુકવણીની સિસ્ટમના અન્ય પ્રદાતાઓ (પેમેન્ટ એન્ડ સેટલમેન્ટ સિસ્ટમ એક્ટ, 2007 અંતર્ગત વ્યાખ્યાયિત કર્યા મુજબ),જેમની સાથે Google દ્વારા ચુકવણીઓના સિસ્ટમ પ્રદાતાની સેવાઓનો ઉપયોગ કરીને ચુકવણીના વ્યવહારો (નીચે વ્યાખ્યાયિત કર્યા મુજબ)ની સુવિધા માટે ગોઠવણ થયેલી છે.

"ચુકવણીઓના સિસ્ટમ પ્રદાતાની સેવાઓ" એટલે (i) કાર્ડ વ્યવહારો, (ii) BHIM UPI આધારિત વ્યવહારો,(iii) net banking, (iv) ચુકવણીના પ્રીપેઇડ ઇન્સ્ટ્રુમેન્ટ માટે ચુકવણીઓના સહભાગીઓને ચુકવણીની સૂચનાઓ રૂટ કરવા માટેની તેમજ રજૂકર્તાઓ, કાર્ડ અસોસિએશન, NPCI અને/અથવા અન્ય ત્રીજા પક્ષના ક્લિયરિંગહાઉસને પ્રમાણીકરણ અને અધિકરણ પ્રદાન કરવા માટેની અને/અથવા (v) વપરાશકર્તા દ્વારા શરૂ થયેલી ચુકવણીની સૂચનાઓ સંદર્ભે પતાવટની સુવિધા પ્રદાન કરવા માટેની ચુકવણી ગેટવે સિસ્ટમ/ઇન્ટરફેસ/સેવાઓ.

"પ્રાપ્તકર્તા" એટલે વપરાશકર્તા, વેપારી, બિલર અથવા ત્રીજો પક્ષ જે મોકલનાર પાસેથી ચુકવણી પ્રાપ્ત કરે છે.

"મોકલનાર" એટલે એ વપરાશકર્તા જે પ્રાપ્તકર્તાને ચુકવણી મોકલવા માટે Google Pay સેવાઓનો ઉપયોગ કરે છે.

“TPAPs” એટલે અમે, ત્રીજા પક્ષની ઍપ્લિકેશનના પ્રદાતા (TPAP) જે UPI આધારિત ચુકવણી વ્યવહારોની સુવિધા માટે UPIનું અનુપાલન કરતી ઍપ્લિકેશન Google Pay વરાશકર્તાઓને પ્રદાન કરે છે.

"વ્યવહાર" અથવા "ચુકવણીનો વ્યવહાર" એટલે (i) ચુકવણીઓ મોકલવા અથવા પ્રાપ્ત કરવા માટે વપરાશકર્તા દ્વારા થયેલી ચુકવણીની વિનંતી અને (ii) મોકલનાર દ્વારા તેના ફંડિંગ એકાઉન્ટને ડેબિટ કરવા માટે અપાયેલી ચુકવણીની સૂચનાઓ.

"UPI" એટલે યુનિફાઇડ પેમેન્ટ ઇન્ટરફેસ.

"UPI વ્યવહારનો ડેટા" એટલે જે-તે UPI વ્યવહારનો ડેટા એટલે કે સ્પષ્ટ ટેક્સ્ટ ફૉર્મેટમાં ડેટા.

"વપરાશકર્તા" એટલે એ વ્યક્તિ જે ચુકવણીઓ મોકલવા અથવા પ્રાપ્ત કરવા માટે UPI ચુકવણી સુવિધા સહિતની Google Pay સેવા(સેવાઓ) માટે નોંધણી કરે છે તેમજ જ્યાં આ વ્યક્તિ કિશોર હોય, ત્યાં આ કિશોરના માતાપિતા અથવા કાયદેસર વાલીનો પણ સમાવેશ થાય છે.

"અમે", "અમે" અથવા "અમારું" એટલે Google.

"તમે", "તમે" અથવા "તમારું" એટલે વપરાશકર્તા.

3. Google Pay સેવાઓનું કાર્યક્ષેત્ર

Google Pay ("Google Pay" અથવા "Google Pay ઍપ") ચુકવણી વિકલ્પની ઍપ્લિકેશન છે જે Google Pay સેવાની સુવિધા આપે છે. Google Pay મારફતે તમે સેવા પ્રદાતાઓ, વપરાશકર્તાઓ, વેપારીઓ, બિલર અથવા ત્રીજા પક્ષોને Google Pay મારફતે સ્વીકારાતા ચુકવણીના કોઈપણ ઇન્સ્ટ્રુમેન્ટનો ઉપયોગ કરીને ચુકવણીઓ મોકલી શકો છો. ભંડોળ પ્રાપ્ત કરવા માટે તમે Google Payમાં નિયુક્ત કરેલા ચુકવણીના ઇન્સ્ટ્રુમેન્ટમાં પણ તમે અન્ય વપરાશકર્તાઓ અથવા ત્રીજા પક્ષો પાસેથી ચુકવણીઓ પ્રાપ્ત કરી શકો છો. આ ઉપરાંત, Google Pay તમને અન્ય વપરાશકર્તાઓ, સેવા પ્રદાતાઓ, બેંક, વેપારીઓ અને બિલર સાથે કમ્યુનિકેટ કરવાની અથવા તેમની કમ્યુનિકેશન, ઑફરો અને સેવાઓ મેળવવાની મંજૂરી આપે છે. UPI ચુકવણીના વ્યવહારો સંબંધે, Google Pay NPCI દ્વારા અધિકૃત TPAP છે, જે HDFC Bank, Axis Bank, ICICI Bank અને State Bank of India મારફતે ચુકવણીના વ્યવહારોની સુવિધા આપે છે. અમે સેવા પ્રદાતા છીએ અને PSP બેંક મારફતે UPIમાં સહભાગિતા કરીએ છીએ. NPCI અને અમારા દરેક સ્પૉન્સર PSP - HDFC Bank, Axis Bank, ICICI Bank અને State Bank of India સાથે કરેલા ત્રિપક્ષી કરારો અમને બંધનકર્તા છે. UPI ચુકવણી વ્યવહારમાં Google Pay, PSP અને NPCIના ચોક્કસ રોલ તથા જવાબદારીઓ માટે કૃપા કરીને અહીં સંદર્ભ લો. શંકા ટાળવા માટે, UPI વ્યવહારો સંબંધે તમે તે PSPના નિયમો અને શરતોને આધીન છો. ઉપરાંત, UPI વ્યવહારો દરમિયાન અથવા તેને અનુસરીને ઉપલબ્ધ બનતા તમારા વ્યક્તિગત ડેટાનો PSP બેંક દ્વારા થતો ઉપયોગ અને પ્રક્રિયા PSP બેંકની વેબસાઇટ પર ઉપલબ્ધ પ્રાઇવસી પૉલિસીને આધીન છે.

Google Pay અંતર્ગત Google Pay ત્રીજા પક્ષની પ્રોડક્ટ અથવા સેવાઓની જોગવાઈની સુવિધા આપે તેમ બની શકે. આ ત્રીજા પક્ષની પ્રોડક્ટ અથવા સેવાઓ Google સિવાયના પક્ષો દ્વારા ઑફર કરાય છે અને તે ત્રીજા પક્ષની શરતોને આધીન છે. આ ત્રીજા પક્ષની સેવાઓનો ઉપયોગ કરવા માટે તમારે વધારાના નિયમો અને શરતો સ્વીકારવા તથા વધારાની આવશ્યકતાઓ પૂરી કરવી જરૂરી હોય તેમ બની શકે. તમને વિશ્વાસ હોય તેવી જ ત્રીજા પક્ષની પ્રોડક્ટ અથવા સેવાઓ સાથે તમારે વ્યવહાર કરવો જોઈએ. Google Pay પર ત્રીજા પક્ષની પ્રોડક્ટ અથવા સેવાઓ સાથેની તમારી ક્રિયાપ્રતિક્રિયાના પરિણામે તમને થતા કોઈપણ નુકસાન માટે Google ઉત્તરદાયી કે જવાબદાર રહેશે નહીં.

ચુકવણી વ્યવહારની ક્રિયાવિધિ. Google Pay મારફતે હાથ ધરાતા ચુકવણી વ્યવહારો કે કોઈપણ કમ્યુનિકેશન/ઑફરો માત્ર ચુકવણી મોકલનાર અને પ્રાપ્તકર્તા વચ્ચે જ રહે છે. Google Pay મોકલનાર, પ્રાપ્તકર્તા અને ચુકવણીઓની સિસ્ટમના જે-તે પ્રદાતાઓ વચ્ચે લિંક રચે છે જેથી ચુકવણીઓના સિસ્ટમ પ્રદાતાની સેવાઓનો ઉપયોગ કરીને ચુકવણીઓ મોકલવા અને/અથવા પ્રાપ્ત કરવાની સુવિધા કરી શકાય. ચુકવણીઓના સિસ્ટમ પ્રદાતાની સેવાઓ મારફતે કોઈ ચુકવણી વ્યવહારનું એકવાર પ્રમાણીકરણ, અધિકૃતિ અને પ્રક્રિયા થઈ જાય એટલે:

(i) ચુકવણીઓના જે-તે સહભાગી દ્વારા પ્રાપ્તકર્તાને સીધી જ ચુકવણીની પતાવટ કરી શકાય.; અથવા

(ii) અમુક સંજોગોમાં અમે મધ્યસ્થી તરીકે કામ કરીએ અને પ્રાપ્તકર્તા વતી ચુકવણી વ્યવહારને લગતા ભંડોળ પ્રાપ્ત કરીએ તેમ બની શકે. આવા સંજોગોમાં Google વપરાશકર્તાઓ પાસેથી ભંડોળ સ્વીકારવાના મર્યાદિત ઉદ્દેશ માટે, સ્પષ્ટ રીતે પ્રાપ્તકર્તાના ચુકવણી એકત્રીકરણ એજન્ટ તરીકે જ કામ કરશે.

ચુકવણી વ્યવહારોમાં Googleનો રોલ. તમે નીચેની બાબતો સમજો છો અને તેની સાથે સંમત થાઓ છો:

• Google માત્ર ચુકવણી વ્યવહારોની સુવિધા કરી આપે છે.
• Google આ ચુકવણી વ્યવહારોમાં પક્ષકાર નથી.
• Google ચુકવણીઓના સિસ્ટમ પ્રદાતા નથી.
• અમુક સંજોગોમાં Google મધ્યસ્થી તરીકે કામ કરે અને પ્રાપ્તકર્તા વતી ચુકવણી વ્યવહારને લગતા ભંડોળ પ્રાપ્ત કરવાના સીમિત ઉદ્દેશ માટે ચુકવણી એકત્રીકરણ એજન્ટ તરીકે ઑપરેટ કરે તેમ બની શકે.
• તમે ખરીદો તે પ્રોડક્ટ કે સેવાઓના કોઈપણ પાસાં માટે Google જવાબદાર નથી અને રહેશે નહીં.
• તમારા દ્વારા થતી કોઈપણ કમ્યુનિકેશન કે Google Pay મારફતે તમારી સાથે થતી કોઈપણ કમ્યુનિકેશન કે ઑફરો માટે Google જવાબદાર નથી અને રહેશે નહીં.
• ચુકવણી વ્યવહારોમાં Google પક્ષકાર નથી અને તેને અનુસરીને ઊભી થતી કોઈપણ તકરાર, ચાર્જબૅક કે રિવર્સલ માટે જવાબદાર રહેશે નહીં.
• વ્યવહાર પૂરો ન કરવા સહિતના વપરાશકર્તાઓના કોઈપણ કૃત્ય માટે Google જવાબદાર નથી.
• વ્યવહારની સુવિધા કરી આપવાથી એ બાબતની ગૅરંટી નથી હોતી કે મોકલનાર પાસે તેમણે ઉપયોગમાં લીધેલા ફંડિંગ એકાઉન્ટમાં પૂરતા ભંડોળ ઉપલબ્ધ છે, કે વ્યવહારને અધિકૃત કરાશે કે તેના પર પ્રક્રિયા કરાશે અથવા તો એ કે વ્યવહાર પછીથી ચાર્જબૅક કે અન્ય રિવર્સલમાં નહીં પરિણમે.
• કોઈપણ ચુકવણી વ્યવહાર સંબંધે Google ન તો ટ્રસ્ટી તરીકે કામ કરે છે કે ન તો વિશ્વાસ આધારિત ક્ષમતામાં કામ કરે છે.
• Google વેચાણ માટે ઑફર કરાતી પ્રોડક્ટ અને સેવાઓની કિંમત સહિત ચુકવણી વ્યવહારની વ્યાવસાયિક શરતો નિર્ધારિત કરતું નથી, તે બાબતે પરામર્શ આપતું નથી કે તેને કોઈપણ રીતે નિયંત્રિત કરતું નથી.

Googleની જવાબદારીનો અસ્વીકાર. તમે ખરીદો તે પ્રોડક્ટ કે સેવાઓના કોઈપણ પાસાં માટે અથવા તમારી સાથે થતી કોઈ કમ્યુનિકેશન કે કોઈ ઑફરો માટે Google જવાબદાર નથી. પ્રાપ્તકર્તા માટેના ચુકવણી એકત્રીકરણ એજન્ટ તરીકેનો Googleનો રોલ, વેપારી દ્વારા વેચેલી પ્રોડક્ટ અને/અથવા સેવાઓના સંબંધમાં પ્રતિનિધિત્વ અને બાંહેધરીઓના ભંગ, વેચાણ બાદની કે વૉરંટી સેવાઓની જોગવાઈ ન કરવા કે કપટ બદલ Googleને જવાબદાર કે ઉત્તરદાયી બનાવતો નથી.

બિલ ચુકવણી સેવાઓ. Google Pay બિલ ચુકવણી સેવાઓની સુવિધા કરી આપે છે જેના થકી તમે Google Pay ઍપ મારફતે તમારા બિલ અથવા યોગ્યતા ધરાવતા પ્રીપેઇડ પ્લાન જોઈ શકો છો અને બિલરને ચુકવણીઓ કરી શકો છો. તમે સમજો છો કે Google Pay મારફતે પ્રદાન કરાતી બિલ ચુકવણી સેવાઓ (i) BBPS અંતર્ગત સહભાગિતા માટે બિલર NPCI સાથે નોંધાયેલા હોય ત્યાં, ભારત બિલ ચુકવણી સિસ્ટમ ("BBPS") ઇન્ફ્રાસ્ટ્રક્ચર હેઠળ ભારત બિલ ચુકવણી ઑપરેટિંગ એકમ ("BBPOU") દ્વારા અથવા (ii) જેમની સાથે Googleની કરાર આધારિત ગોઠવણ છે તે બિલર ઍગ્રિગેટર દ્વારા પ્રદાન કરાય છે. તમે વધુમાં સમજો છો કે Google Pay માત્ર બિલની પ્રસ્તુતિ અને બિલની ચુકવણીની સુવિધા આપે છે અને તે (i) BBPS માટે બિલર NPCI સાથે નોંધાયેલા હોય ત્યાં, લાગુ થતા કાયદા અનુસાર BBPOUના એજન્ટ છે અથવા (ii) બિલ ચુકવણીની સુવિધા કરી આપનાર છે.

ક્રેડિટ કાર્ડ સેવાઓ. તમને ક્રેડિટ સંસ્થાઓ તરફથી મળતી ક્રેડિટ કાર્ડ ઑફરો બતાવવા માટે Google Pay ટેક્નોલોજી પ્લૅટફૉર્મ પ્રદાન કરે છે. તમે સમજો છો અને સંમત થાઓ છો કે આવા કોઈપણ ક્રેડિટ કાર્ડની શરતોનું આવા ક્રેડિટ કાર્ડ માટે તમારી અને ક્રેડિટ સંસ્થા વચ્ચે થયેલા કરારોની શરતો દ્વારા સંચાલન થશે. આવા કરારોમાં Google કોઈ પક્ષકાર નથી અને તેનો કોઈ રોલ નથી તેમજ કાર્ડની અરજી મંજૂર થવા કે નકારાવા બાબતે કોઈ પ્રતિનિધિત્વ, વૉરંટી કે ગૅરંટી આપતું નથી, જે માત્ર ક્રેડિટ કાર્ડ ઇશ્યુ કરતી ક્રેડિટ સંસ્થાની વિવેકબુદ્ધિ પર જ આધારિત રહેશે. આવા ક્રેડિટ કાર્ડના સંબંધમાં Googleનો રોલ ક્રેડિટ સંસ્થાઓ દ્વારા ઑફર કરાતા ક્રેડિટ કાર્ડ સંબંધિત ટેક્નોલોજી સેવાઓ પ્રદાન કરવા અને Google Pay વપરાશકર્તાઓને જ ઉપલબ્ધ હોય તેવી ક્રેડિટ કાર્ડ સંબંધિત સેવાઓ અને ઑફરો (દા.ત., Axis Bank ACE કાર્ડ, જે Axis Bank દ્વારા ઇશ્યુ કરાય છે અને Google સાથેના સહયોગ થકી તેનું માર્કેટિંગ થાય છે) પ્રદાન કરવા માટે ક્રેડિટ સંસ્થાઓ સાથે સહયોગ કરવા પૂરતો મર્યાદિત રહેશે.

લોન સુવિધાની સેવાઓ. ધિરાણ આપતા ત્રીજા પક્ષો તરફથી તમને મળતી લોન સુવિધાની ઑફરો બતાવવા માટે Google Pay ટેક્નોલોજી પ્લૅટફૉર્મ પ્રદાન કરે છે. તમે સમજો છો અને સંમત થાઓ છો કે આવી કોઈપણ લોન સુવિધાની શરતોનું તમારી અને ધિરાણ આપતા ત્રીજા પક્ષ વચ્ચે થયેલા લોન કરારો દ્વારા સંચાલન થશે. આવા લોનના કરારોમાં Google કોઈ પક્ષકાર નથી અને આવા વ્યવહારોમાં Googleનો રોલ મધ્યસ્થ ટેક્નોલોજી પ્લૅટફૉર્મ જેટલો મર્યાદિત રહેશે.

Google Pay ગોલ્ડ સેવાઓ. વેચાણ, ડિલિવરી અને પરત ખરીદી માટે ગોલ્ડ ઑફર કરવા તેમજ MMTC દ્વારા ગ્રાહકોને અપાતી અન્ય સંબંધિત સેવાઓ માટે Google Pay MMTC - PAMP ("MMTC")ને ટેક્નોલોજી પ્લૅટફૉર્મ પ્રદાન કરે છે. તમે સંમત થાઓ છો અને સ્વીકારો છો કે MMTC શરતો  પર ઉપલબ્ધ નિયમો અને શરતો તમારા GAPનું સંચાલન કરે છે. તમારા GAP સંબંધે Googleની તમારા પરત્વે કોઈ જવાબદારી રહેશે નહીં.

વ્યવસાયના પેજ. Google Pay થકી તમે Google Pay પર તમારા વ્યવસાયનું પેજ પબ્લિશ અને ઑપરેટ કરી શકો છો. તમારા વ્યવસાય વિશે માહિતી આપવા અને તમારી અમુક પ્રોડક્ટ અને સેવાઓની સૂચિ આપવા માટે વ્યવસાયનું પેજ ઉપલબ્ધ આઇટમ કે સેવાઓનો કૅટલૉગ રજૂ કરી શકે છે. આ પેજનું URL તમે તમારા નેટવર્કની કોઈપણ વ્યક્તિ સાથે શેર કરી શકો છો. તમારું વ્યવસાય પેજ શેર કરીને, તમે સમજો છો અને સંમત થાઓ છો કે તમારો પ્રોફાઇલ ફોટો અને નામ સાર્વજનિક રીતે શેર કરાશે અને ઉપલબ્ધ બનશે. વ્યવસાયના પેજનો ઉપયોગ કરીને તમે P2P ચુકવણીઓ વડે, દર મહિને INR 50,000 સુધીનો સામાન અને સેવાઓ વેચી શકશો, સિવાય કે Google દ્વારા અને લાગુ થતા કાયદાના અનુપાલનમાં અન્યથા પરવાનગી હોય. તમારો સામાન કે સેવાઓ ખરીદનાર સાથેના તમારા વ્યવહારોમાં Google કોઈ પક્ષકાર નહીં હોય અને વેચેલા સામાન કે સેવાઓ માટે તે કોઈ જવાબદારી લેતું નથી. કૅટલૉગ, ઇન્વેન્ટરી, કિંમત, લોજિસ્ટિક, વેરહાઉસ મેનેજમેન્ટ, ડિલિવરી કે પરિપૂર્ણતા બાબતે Googleનું કોઈ નિયંત્રણ કે દેખરેખ નથી. તમારું વ્યવસાય પેજ, તેનું કન્ટેન્ટ અને વ્યવહારો મેનેજ કરવાની જવાબદારી માત્ર તમારી રહેશે. Googleનો રોલ માત્ર તમારા ટેક્નોલોજી સેવા પ્રદાતા તરીકેનો રહેશે, જે તમને તમારા વ્યવસાય પેજનું સેટઅપ કરવામાં સહાયતા કરશે. વ્યવસાય પેજ હેઠળ પ્રોડક્ટ કે સેવા અંગે થતી કોઈપણ રિઅલ-ટાઇમ કમ્યુનિકેશન તમારી અને ખરીદનાર વચ્ચે હશે, તેમાં Googleનો કોઈ હસ્તક્ષેપ હશે નહીં. વ્યવસાયના પેજ માટે Google કોઈ ગ્રાહક સેવા આપતું નથી કે કોઈ વ્યવહારનું સ્ટેટસ ટ્રૅક કરવામાં સહાયતા કરતું નથી. વ્યવસાયના પેજ પર વપરાશકર્તાએ મેળવેલી પ્રોડક્ટ, સેવાઓ કે માહિતીની ક્વૉલિટી બાબતે કે આવી પ્રોડક્ટ કે સેવાઓ વપરાશકર્તાની અપેક્ષાઓ પૂરી કરશે તે બાબતે Google વૉરંટી આપતું નથી અને કોઈ જવાબદારીનું વહન કરશે નહીં. તમારા ગ્રાહકોને હોય તેવી કોઈ ફરિયાદો કે તકરાર માટે તમે તેમના પરત્વે જવાબદાર હશો અને વ્યવસાય પેજ પરની કોઈપણ ગ્રાહક ફરિયાદ માટે Google જવાબદાર રહેશે નહીં. આ સુવિધા માટેની સેવાની શરતો તમે પૂરી કરવા ન ઇચ્છતા હો કે પૂરી કરી શકો તેમ ન હો તો તમારે ઍપમાં આપેલા મેનેજમેન્ટના વિકલ્પોનો ઉપયોગ કરીને કોઈપણ સમયે તમારું વ્યવસાયનું પેજ ડિલીટ કરવું જોઈએ.

4. Google Payનો તમારો ઉપયોગ

ઉંમરના પ્રતિબંધો. Google Payનો ઉપયોગ કરવા માટે તમારી ઉંમર 13 વર્ષ કે તેથી વધુની હોવી જોઈએ. તમે Google Pay પર કોઈને તમારા Google એકાઉન્ટનો ઉપયોગ કરવાની મંજૂરી આપો, તો આવા લોકો સંયુક્ત Google Pay શરતોનું પાલન કરે તેની ખાતરી કરવા માટે તમે જવાબદાર રહેશો. આ લોકો Google Pay પર તમારા Google એકાઉન્ટમાં અને/અથવા મારફતે જે ક્રિયાઓ કરે તે તમામ માટે તમે જવાબદાર રહેશો.

પ્રાદેશિક પ્રતિબંધો. Google Payનો ઉપયોગ કરવા માટે, Google Pay પર તમારા Google એકાઉન્ટની નોંધણી અથવા લિંક કરતી વખતે તમારે શારીરિક રીતે ભારતમાં સ્થિત હોવું, તમારી પાસે ભારતીય બેંક એકાઉન્ટ હોવું અને ભારતીય મોબાઇલ નંબર હોવો જરૂરી છે. Google Pay ઍપનો ઉપયોગ ભારતની બહાર કરવો જોઈએ નહીં.

ઉપયોગની પાયાની જરૂરિયાતો. Google Payનો ઉપયોગ કરવા માટેની સિસ્ટમ અને સુસંગતતાની અમુક જરૂરિયાતો, જે સમય સમય પર બદલાઈ શકે છે, તે પૂરી કરતો મોબાઇલ, ઇન્ટરનેટ અથવા અન્ય કોઈપણ સપોર્ટેડ ડિવાઇસ ("ડિવાઇસ") તમારી પાસે હોવું જરૂરી છે. Google Payનો ઉપયોગ કરવાની તમારી ક્ષમતા અને Google Pay ઍપના પર્ફોર્મન્સ પર આ પરિબળોની અસર થઈ શકે છે. તમે સંમત થાઓ છો કે, કોઈપણ લાગુ થતા ફેરફારો, અપડેટ, શુલ્ક અને તમારા મોબાઇલ ડિવાઇસ તથા ટેલિકમ્યુનિકેશન પ્રદાતા સાથેના તમારા કરાર હેઠળ પ્રદાન કરેલી અન્ય તમામ શરતો સહિત, આવી જરૂરિયાતો માટે તમે જવાબદાર છો. તમારા ઇન્ટરનેટ કે ડિવાઇસ સેવા પ્રદાતાને કારણે સુરક્ષામાં કોઈ ચૂક થાય કે વ્યવહારો નિષ્ફ્ળ જાય તો તે બદલ Google જવાબદાર રહેશે નહીં.

અપડેટ. Google Pay સેવાઓ ઍક્સેસ કરવા, તેનો ઉપયોગ કરવા કે ઉપયોગ ચાલુ રાખવા માટે, સમય સમય પર Google રજૂ કરે તેવી અપડેટ તમારે તમારી Google Pay ઍપ અથવા સંબંધિત Google સૉફ્ટવેરમાં ઇન્સ્ટૉલ કરવી જરૂરી હોય તેમ બને. ખામીના સુધારા, પૅચ, વધુ સારા બનાવેલા કાર્યો, ખૂટતા પ્લગ-ઇન અને નવા વર્ઝન સાથે મળીને, ("અપડેટ") જેવી Google Pay માટે ઉપલબ્ધ અપડેટ ચેક કરવા માટે Google Pay ઍપ Googleના સર્વર સાથે સમય સમય પર કમ્યુનિકેટ કરે તેમ બને. Google Payના તમારા ઉપયોગ માટે જરૂરી છે કે તમે આવી ઑટોમૅટિક રીતે વિનંતી કરાતી અપડેટ પ્રાપ્ત કરવા સંમત થયા હો. આવી ઑટોમૅટિક રીતે વિનંતી કરાતી અને પ્રાપ્ત થતી અપડેટ બાબતે તમે સંમત ન થાઓ તો કૃપા કરીને Google Pay ઍપનો ઉપયોગ કરશો નહીં. અગાઉની બાબતોને ધ્યાનમાં લીધા વિના, જો Google નિર્ધારિત કરે કે Google Pay ઍપ સંબંધિત ગંભીર સુરક્ષા નબળાઈ કોઈ અપડેટ થકી ઠીક થઈ જશે, તો Google Pay ઍપને Google આવી ઍપના નવા વર્ઝન પર અપડેટ કરે તેમ બને, જેમાં Google Pay ઍપ અથવા તમારા ડિવાઇસ અંતર્ગત તમે અપડેટ માટે પસંદ કરેલા સેટિંગને ધ્યાનમાં લેવાશે નહીં.

5. Google Pay સેવાઓનું સેટઅપ કરવું

Google Payનો ઉપયોગ કરવા માટે તમારું Google એકાઉન્ટ હોવું જરૂરી છે. તમે પહેલેથી Google એકાઉન્ટ ધરાવતા ન હો, તો તમે Google Pay પર તેના માટે નોંધણી કરી શકો છો. તમે જ્યારે Google Pay પર તમારા Google એકાઉન્ટમાં લૉગ ઇન કરો, ત્યારે તમારી Google Pay સેવાઓ સક્રિય કરાશે, જે તમારા આ સંયુક્ત Google Pay શરતો સ્વીકારવાને આધીન હશે. તમે તમારું Google એકાઉન્ટ બંધ કરો, તો તમારા Google Pay એકાઉન્ટ સહિત બધા સંબંધિત એકાઉન્ટ સસ્પેન્ડ કરવામાં આવશે. તમે Google એકાઉન્ટ રિસ્ટોર કરાવી શકો છો, જે તમારા Google Pay એકાઉન્ટના તમારા ઍક્સેસને પણ રિસ્ટોર કરશે. શક્ય છે કે Google એકાઉન્ટ બંધ કરવાના પરિણામ તરીકે, એકાઉન્ટને લગતો અમુક ચોક્કસ ડેટા નીકળી જાય કે કાઢી નાખવામાં આવે અને તે પાછો મેળવી શકાય તેમ ન હોય. તમે સંમત થાઓ છો અને સ્વીકારો છો કે, તમારા દ્વારા Google એકાઉન્ટ બંધ કરવાના અને તે પછી તેને રિસ્ટોર કરવાના પરિણામ તરીકે, ડેટા નીકળી જવા કે તમને થયેલા અન્ય કોઈ નુકસાન માટે Google જવાબદાર નથી.

લૉગ ઇન/નોંધણી પ્રક્રિયા દરમિયાન કે તે પછી કોઈપણ સમયે, તમને તમારું નામ, ફોન નંબર, ચુકવણીના ઇન્સ્ટ્રુમેન્ટની માહિતી (તમારી બેંકનું નામ અને બેંક એકાઉન્ટ નંબર, ક્રેડિટ કાર્ડ/ડેબિટ કાર્ડની વિગતો સહિત પણ આટલા પૂરતું મર્યાદિત નહીં, જો લાગુ થતું હોય તો), જન્મતારીખ અને/અથવા અન્ય નોંધણી માહિતી જેવી માહિતી આપવાનું કહેવાય તેમ બની શકે. નીચે વ્યાખ્યાયિત કર્યા મુજબ, અમે ચુકવણી સહભાગી, સેવા પ્રદાતા અને/અથવા ત્રીજા પક્ષના પ્રદાતા સાથે તમારી નોંધણી માહિતીની ચકાસણી કરીએ તેમ બને. અમુક કિસ્સાઓમાં, અમે તમને વધારાની માહિતી/દસ્તાવેજ અમને મોકલવાનું અથવા વધારાના પ્રશ્નોના જવાબ આપવાનું કહીએ તેમ બને (Google Pay પર તમારું Google એકાઉન્ટ સક્રિય થયા પહેલાં અથવા પછી), જેથી તમારી ઓળખની અથવા તમે પ્રદાન કરેલી માહિતીની સચોટતાની ચકાસણી કરવામાં અમને સહાય રહે. આવા ડેટાની જોગવાઈ અને ઉપયોગ Google પ્રાઇવસી પૉલિસીને આધીન છે, જે નીચે વિભાગ 21માં વધુ સંપૂર્ણ રીતે વર્ણવેલ છે. તમે પ્રદાન કરેલી માહિતી અને દસ્તાવેજની સચોટતા કે પૂર્ણતાની અમે ચકાસણી ન કરી શકીએ અથવા અમે નક્કી કરીએ કે તમે Google Payનો ઉપયોગ કરવાની યોગ્યતા ધરાવતા નથી તો સંયુક્ત Google Pay શરતો અથવા ચુકવણી સહભાગી નિયમોને અનુસરીને, Google Pay સેવાઓના તમારા ઉપયોગને અમે નકારીએ તેમ બને.

BHIM UPI સેવાઓનું સેટઅપ કરવું. ચુકવણીઓ મોકલવા અથવા પ્રાપ્ત કરવા માટે તમે BHIM UPIનો ઉપયોગ કરવા માગતા હો, તો Google સાથે પાર્ટનર હોય તેવા BHIM UPI ચુકવણીઓની સિસ્ટમના પ્રદાતા સાથે નોંધણી કરવા માટે તમે Google Payનો ઉપયોગ કરી શકો છો અને તમારી BHIM UPI વપરાશકર્તા લૉગ ઇન વિગત બનાવી શકો છો, જેમ કે તમારું BHIM UPI ID (વર્ચ્યુઅલ ચુકવણી માટેના ઍડ્રેસ) અને/અથવા લિંક કરેલો BHIM UPI પિન (MPIN). એકવાર તમે BHIM UPI સેવાઓ માટે નોંધણી કરાવી હોય તે પછી તમે Google Pay મારફતે BHIM UPIનો ઉપયોગ કરીને તમારા બેંક એકાઉન્ટમાંથી ચુકવણીઓ મોકલી શકો છો કે તમારા બેંક એકાઉન્ટમાં ચુકવણીઓ પ્રાપ્ત કરી શકો છો.

UPI નંબર અને કેન્દ્રિત UPI મૅપર પર ઑનબોર્ડિંગ. તમે સમજો છો અને સંમત થાઓ છો કે Google Pay પર Google તમારા Google એકાઉન્ટને UPI નંબરની સોંપણી કરશે જેથી તમે UPI નંબરનો ઉપયોગ કરીને UPIના સંબંધમાં Google Pay સેવાઓનો ઉપયોગ કરી શકો. વધુમાં, NPCI દ્વારા ઑપરેટ કરાતા કેન્દ્રિત મૅપર (એટલે કે, સંખ્યાત્મક UPI ID મૅપર) પર અને NPCI માટે જરૂરી હોય અને સમય સમય પર સૂચિત કરે તે મુજબ અન્ય કોઈપણ ડેટાબેઝ પર Google તમારું ઑનબોર્ડિંગ કરે તે સાથે તમે સંમત થાઓ છો અને સ્પષ્ટ રીતે સંમતિ આપો છો. 'UPI નંબર' ડિફૉલ્ટ તરીકે તમારો [નોંધાયેલો મોબાઇલ નંબર] હશે અને NPCIના કેન્દ્રિત મૅપર પર તમારા UPI નંબરના ઑનબોર્ડિંગની મંજૂરી આપવા બાબતે સંમત થઈને તમે તમારા 'UPI નંબર'નો ઉપયોગ કરીને Google Pay ઍપ પર ભંડોળ મોકલી અને / અથવા પ્રાપ્ત કરી શકશો. ઑનબોર્ડિંગ પ્રક્રિયા NPCIની માર્ગદર્શિકા અને દિશાનિર્દેશો અનુસાર હશે. તમે સમજો છો અને સંમત થાઓ છો કે Google NPCIની સૂચનાઓ અનુસાર કાર્ય કરવાનો અધિકાર ધરાવે છે, જેમાં NPCI સાથે તમારી UPI વિગતો શેર કરવાનો અને તમારા પ્રાથમિક બેંક એકાઉન્ટ કે તમારા UPI ID (વર્ચ્યુઅલ ચુકવણી માટેના ઍડ્રેસ)ને તમારા 'UPI નંબર' સાથે લિંક કરવાનો (કોઈ મર્યાદા વગર) સમાવેશ થાય છે. કેન્દ્રિત મૅપરમાં એકવાર ઑનબોર્ડ થયા પછી, તમે ભંડોળ મોકલવા અને / અથવા પ્રાપ્ત કરવા માટે તમારા UPI નંબરનો ઉપયોગ કરી શકશો. Google Pay ઍપ પર [સેટિંગ અપડેટ કરીને] તમે કોઈપણ સમયે તમારા UPI નંબરનું ડિફૉલ્ટ મૅપિંગ ડિલિંક કરવાનું પસંદ કરી શકો.

વર્ચ્યુઅલ એકાઉન્ટ નંબરનું સેટઅપ કરવું. તમે Google Pay, પરિવહન પાસ અને ડિજિટલ વૉલેટ કે Google સિવાયની કંપનીઓ સાથેના તમારા એકાઉન્ટ (દરેક "વર્ચ્યુઅલ એકાઉન્ટ નંબર") સાથે નોંધણી કરાવી હોય તેવા ક્રેડિટ કે ડેબિટ કાર્ડનું પ્રતિનિધિત્વ કરતા બેંક દ્વારા ઇશ્યુ કરાયેલા વર્ચ્યુઅલ એકાઉન્ટ નંબરનો ઉપયોગ કરીને ચુકવણીના વ્યવહારો કરવા માટે પણ તમે Google Payનો ઉપયોગ કરી શકો. વર્ચ્યુઅલ એકાઉન્ટ નંબરનો ઉપયોગ: (i) સહભાગી વેપારી લોકેશન પર, તમારા મોબાઇલ ડિવાઇસમાં હોય તેવી તમારી Google Pay ઍપ મારફતે QR કોડનો ઉપયોગ કરીને અથવા (ii) અમુક વેપારી ઍપ મારફતે ઑનલાઇન અથવા (iii) તમારી Google Pay ઍપ પર બિલની ચુકવણીઓ અથવા અન્ય વેપારી ચુકવણી વ્યવહારો પર પ્રક્રિયા કરવા માટે થઈ શકે છે. Google Pay આ અંતર્ગતના ડેબિટ કાર્ડ કે ક્રેડિટ કાર્ડનો વાસ્તવિક નંબર સ્ટોર કરતું નથી અને માત્ર વર્ચ્યુઅલ એકાઉન્ટ નંબર સાચવે છે.

તમે Google Pay પર વર્ચ્યુઅલ એકાઉન્ટ નંબર ઉમેરવાનું શરૂ કરો તે પછી, ચુકવણી પદ્ધતિ યોગ્યતા ધરાવે છે કે કેમ તે Google Pay ચેક કરશે. તમારી ચુકવણી પદ્ધતિના રજૂકર્તા Google Payને સપોર્ટ કરતા હોય અને તમારી ચુકવણી પદ્ધતિ યોગ્યતા ધરાવતી હોય, તો તેને ઉમેરતી વખતે રજૂકર્તાના નિયમો અને શરતો સ્વીકારવાનું તમને કહેતી સ્ક્રીન તમને દેખાય તેમ બને. એકવાર તમે આમ કરી લો અને સફળતાપૂર્વક ચુકવણી પદ્ધતિ ઉમેરી લો એટલે, Google Pay તમારી ચુકવણી પદ્ધતિના વાસ્તવિક કાર્ડ નંબરનું પ્રતિનિધિત્વ કરતા વર્ચ્યુઅલ એકાઉન્ટ નંબર અથવા અન્ય ઓળખકર્તાને Google Pay સાથે ઉપયોગ કરવા માટે તમારા Google એકાઉન્ટ સાથે સ્ટોર કરશે.

Google અથવા તેના આનુષંગિક રજૂકર્તા હોય તે સિવાય, Google કે તેના આનુષંગિકો તમારી ચુકવણી પદ્ધતિઓના વપરાશકર્તા કરાર, પ્રાઇવસી પૉલિસી કે અન્ય ઉપયોગની શરતોના પક્ષકાર નથી. આવા કોઈપણ રજૂકર્તાની શરતોમાં આ સંયુક્ત Google Pay શરતોમાંની કોઈપણ બાબત ફેરફાર કરતી નથી. આ સંયુક્ત Google Pay શરતો અને તમારા રજૂકર્તાની શરતો કે પ્રાઇવસી પૉલિસી વચ્ચે કોઈ વિસંગતતા હોવાની પરિસ્થિતિમાં, Google Pay સંબંધે તમારી અને Google વચ્ચેના સંબંધનું આ સંયુક્ત Google Pay શરતો સંચાલન કરશે અને તમારા રજૂકર્તાની શરતો તમારી અને રજૂકર્તા વચ્ચેના સંબંધનું સંચાલન કરશે. Google એવું કોઈ પ્રતિનિધિત્વ કે ચકાસણી કરતું નથી કે તમારી ચુકવણી પદ્ધતિઓમાંથી કોઈપણ સારી સ્થિતિમાં છે અથવા તો એ કે તમારી ચુકવણી પદ્ધતિના રજૂકર્તા કોઈ વેપારી કે પરિવહન પ્રદાતા સાથેના કોઈપણ વ્યવહાર માટે તમે Google Payનો ઉપયોગ કરશો ત્યારે તે વ્યવહારને અધિકૃત કે મંજૂર કરશે.

Google અથવા તેના આનુષંગિક રજૂકર્તા હોય તે સિવાય, Google કે તેના આનુષંગિકો ક્રેડિટ ઇશ્યુ કરવામાં કે ક્રેડિટ માટેની યોગ્યતા નક્કી કરવામાં સંકળાયેલા નથી કે નીચેની બાબતે નિયંત્રણનો ઉપયોગ કરતા નથી: ચુકવણી પદ્ધતિઓ અથવા ભંડોળની ઉપલબ્ધતા કે સચોટતા; Google Pay પર ચુકવણી પદ્ધતિઓની જોગવાઈ કરવી (કે ઉમેરવી) અથવા ચુકવણી પદ્ધતિના બૅલેન્સમાં ભંડોળ ઉમેરવા. તમારા રજૂકર્તા ચોક્કસ ઉપયોગો માટે વર્ચ્યુઅલ એકાઉન્ટ નંબરની નોંધણી કરવા કે નોંધણી રદ કરવા માટે તેમજ ચુકવણી વ્યવહારની મર્યાદાઓ સેટ કરવા કે તેમાં ફેરફાર કરવા માટે સેવાઓ પ્રદાન કરે છે. અગાઉની બાબતો સંબંધિત કોઈપણ ચિંતાઓ માટે કૃપા કરીને તમારી ચુકવણી પદ્ધતિના રજૂકર્તાનો સંપર્ક કરો.

બિલ ચુકવણી સેવાઓનું સેટઅપ કરવું. બિલ ચુકવણી સેવાઓનો ઉપયોગ કરવા માટે, તમારે જે બિલર સાથે ચુકવણીઓ કરવી હોય તેમના માટેની તમારી બિલ એકાઉન્ટ વિશેની માહિતી (જેમ કે તમારો ગ્રાહક એકાઉન્ટ નંબર, નોંધાયેલો ફોન નંબર અથવાગ્રાહક ID) અને તમારું એકાઉન્ટ ઍક્સેસ કરવા માટે અમારા માટે જરૂરી હોય તેવી અન્ય કોઈપણ માહિતી તેમજ આવા બિલર સાથેની તમારી બિલ/પ્લાનની વિગતો ("બિલ ચુકવણી એકાઉન્ટ વિશેની માહિતી") તમારે અમને આપવી જરૂરી બની શકે. બિલ ચુકવણી સેવાઓનો ઉપયોગ કરીને, તમે Google Payને તમને બિલ ચુકવણી સેવાઓ પ્રદાન કરવાના હેતુસર તમારા વતી, તમારા બિલ ચુકવણી એકાઉન્ટ વિશેની માહિતી અને બિલની વિગતો ઍક્સેસ, તેનો ઉપયોગ અને તેને સ્ટોર કરવાની સ્પષ્ટપણે સતત અધિકૃતિ આપો છો.

જો તમે બિલ ચુકવણી સેવાઓનો ઉપયોગ મોબાઇલ રિચાર્જ/ટૉપ અપ સહિત ત્રીજા પક્ષ વતી બિલ ચુકવણી એકાઉન્ટ વિશેની માહિતી પ્રદાન કરવા, બિલની વિગતો મેળવવા કે ચુકવણીઓ કરવા માટે કરો, તો આવા ત્રીજા પક્ષની સંમતિ તમારી પાસે હોવાની ખાતરી કરવાની જવાબદારી તમારી છે. તમે સંમત થાઓ છો કે તમારી પાસે Google Pay બિલ ચુકવણી સેવાઓ પ્રદાન કરે તે હેતુસર ત્રીજા પક્ષ વતી Google Payને ત્રીજા પક્ષની બિલ ચુકવણી એકાઉન્ટ વિશેની માહિતીનો સતત ઉપયોગ કરવાની અને જે-તે બિલર પાસેથી બિલની વિગતો ઍક્સેસ કરવાની મંજૂરી આપવાના તમામ જરૂરી અધિકારો અને પરવાનગીઓ છે. તમે સંમત થાઓ છો કે Google Pay અને તમારી વચ્ચે છે તેમ ત્રીજા પક્ષ દ્વારા કરાતો કોઈપણ દાવો માત્ર તમારી વિરુદ્ધ રહેશે.

માહિતીની સચોટતા. તમે સમજો છો અને સંમત થાઓ છો કે કોઈ બિલ મેળવવા અને/અથવા ચુકવણી વિનંતી કરવા માટે, બિલ ચુકવણી એકાઉન્ટ વિશેની માહિતી અને વ્યવહારની રકમ સહિતની તમે પ્રદાન કરેલી માહિતીની સચોટતા માટે તમે જવાબદાર છો.

ગોલ્ડ એકાઉન્ટનું સેટઅપ કરવું. તમારા ગોલ્ડ એકાઉન્ટનું સેટઅપ કરવા માટે, તમારા માટે જરૂરી છે કે તમે (i) Google દ્વારા જરૂરી હોઈ શકે તે પ્રમાણે 2 પરિબળ ધરાવતું પ્રમાણીકરણ પૂરું કરો અને (ii) Google Pay પર Google દ્વારા પ્રૉમ્પ્ટ કરાતી નોંધણી પ્રક્રિયાનું પાલન કરો અને (iii) લાગુ થતા કાયદા દ્વારા અધિકૃત આદેશ અપાયો હોય તે પ્રમાણે KYC આવશ્યકતાઓનું પાલન કરો.

Google Payનો ઉપયોગ કરીને, તમે કન્ફર્મ કરો છો કે તમારા ગોલ્ડ એકાઉન્ટનું સેટઅપ તમારા પોતાના નામે થઈ રહ્યું છે અને તમે તમારા નામે એકથી વધારે ગોલ્ડ એકાઉન્ટ ધરાવતા નથી.

રૂ. 50,000 (પચાસ હજાર ભારતીય રૂપિયા) કે તેથી વધુનીસંચિત આજીવન ખરીદીઓ અથવા રૂ. 50,000 (પચાસ હજાર ભારતીય રૂપિયા)કે તેથી વધુની કોઈ ટ્રાન્સફર કરવા માટે તમારે તમારા PAN કાર્ડની કૉપિ આપવી જરૂરી બનશે. આવા કેસમાં, તમે કન્ફર્મ કરો છો અને સ્વીકાર કરો છો કે તમે તમારા PAN કાર્ડની ખરી નકલ આપી છે અને તે નકલી કે ચેડાં કરવામાં આવેલી નથી. તમે સ્વીકાર કરો છો કે કૅશબૅકની રકમ પર ટેક્સ ચુકવવાનું કોઈપણ બંધન સંપૂર્ણપણે તમારી જવાબદારી છે.

તમારી ઓળખની માન્યતા બાબતે પોતાને સંતુષ્ટ કરવા માટે Googleને જરૂરી લાગતી હોય તેવી પૂછપરછો કરવાની અધિકૃતિ તમે તેને આપો છો. તમે પ્રદાન કરેલી તમારી હાલની માહિતી કે ચકાસણીના દસ્તાવેજોમાં ફેરફારના કેસમાં તમે Googleને અપડેટ કરવાની બાંયધરી આપો છો.

તમારા ગોલ્ડ એકાઉન્ટનું સેટઅપ કરતી વખતે Google તમને નોમિનીની વિગતો બાબતે પૂછશે. તમારા મૃત્યુના કેસમાં, માન્ય દસ્તાવેજો પ્રદાન કરવાને આધીન, નોમિનીને તમારા ગોલ્ડ એકાઉન્ટમાં રહેલા ગોલ્ડનો દાવો કરવાની મંજૂરી મળશે.

6. ચુકવણી સહભાગીઓ અને ત્રીજા પક્ષના પ્રદાતાઓ

ચુકવણી સહભાગીઓ સાથે કમ્યુનિકેશન. Google Payનો ઉપયોગ કરવાનું પસંદ કરીને, તમે વ્યવહાર પર પ્રક્રિયા કરવા કે Google Pay સેવાઓ પ્રદાન કરવાના હેતુસર અથવા જોખમ મેનેજમેન્ટ અને કપટ આકારણીના હેતુસર, તમારી વ્યક્તિગત માહિતી સહિતની કોઈપણ માહિતી પ્રદાન કરવા કે મેળવવા માટે ચુકવણી સહભાગીઓ અથવા કોઈપણ ત્રીજા પક્ષના પ્રદાતા કે સેવા પ્રદાતા સાથે કમ્યુનિકેટ કરવા Googleને અધિકૃત કરો છો. તમે સમજો છો કે, લાગુ થતા કાયદા અનુસાર જરૂરી હોઈ શકે તે પ્રમાણે ચુકવણી સહભાગીઓ સાથે ચુકવણી વ્યવહારની વિનંતી કરતી વખતે કે વ્યવહાર કરતી વખતે તમે અન્ય વપરાશકર્તાઓ, વેપારીઓ, બિલરને કોઈપણ મેસેજ મોકલો તે પણ Google શેર કરી શકે છે.

ચુકવણી સહભાગીઓના નિયમો સાથે અનુપાલન. તમારી ચુકવણી સૂચનાઓ પર પ્રક્રિયા કરવા માટે તમે ચુકવણી સહભાગીઓની સેવાઓનો ઉપયોગ કરતા હશો તેથી, તમે જે-તે ચુકવણી સહભાગીઓ દ્વારા સમય સમય પર ઇશ્યુ કરાતા નિયમો, માર્ગદર્શિકા, દિશાનિર્દેશો, સૂચનાઓ, વિનંતીઓ, વગેરે ("ચુકવણી સહભાગીના નિયમો")નું પાલન કરવા સંમતિ આપો છો અને સંમત થાઓ છો. તમે સ્વીકારો છો અને સંમત થાઓ છો કે તમને પોતાને અપ-ટૂ-ડેટ રાખવા અને ચુકવણી સહભાગીના આવા બધા નિયમોનું પાલન કરવા તમે જવાબદાર છો. Google અથવા ચુકવણી સહભાગીઓ દ્વારા તમારા પર લદાયેલી જવાબદારીઓનું પાલન કરવામાં તમે નિષ્ફળ જાઓ, તો અમે Google Pay પર તમારું Google એકાઉન્ટ સસ્પેન્ડ કરીએ અથવા સમાપ્ત કરીએ તેમ બની શકે. શંકા ટાળવા માટે, ચુકવણી સહભાગીના નિયમો તમારી અને જે-તે ચુકવણી સહભાગી વચ્ચે છે. Google આવા ચુકવણી સહભાગીઓની કોઈ ક્રિયાઓ કે નિષ્ક્રિયતાઓ માટે જવાબદાર નથી.

ત્રીજા પક્ષના પ્રદાતાઓનો Googleનો ઉપયોગ. આ ઉપરાંત, Google Pay મારફતે તમને પ્રોડક્ટ અથવા સેવાઓ આપવા માટે Google દ્વારા ત્રીજા પક્ષના પ્રદાતાઓની ગોઠવણ થઈ હોય તેમ બની શકે ("ત્રીજા પક્ષના પ્રદાતાઓ"). આ ત્રીજા પક્ષની પ્રોડક્ટ અથવા સેવાઓનો ઉપયોગ કરવા માટે, તમારે આવા ત્રીજા પક્ષના પ્રદાતાઓના વધારાના નિયમો અને શરતો સાથે સંમત થવું જરૂરી બને તેમજ તમે ત્રીજા પક્ષના પ્રદાતાની વધારાની આવશ્યકતાઓને આધીન હો તેમ બની શકે. આ સંયુક્ત Google Pay શરતો સાથે સંમત થઈને અથવા Google Pay સેવાઓનો ઉપયોગ ચાલુ રાખીને, તમે અહીં આવી પ્રોડક્ટ અને સેવાઓના તમારા Google Pay મારફતે થતા ઉપયોગને લાગુ થતી કોઈપણ ત્રીજા પક્ષના પ્રદાતાની શરતો સાથે સંમત થાઓ છો, જે સમય સમય પર અપડેટ થાય તેમ બની શકે. શંકા ટાળવા માટે, ત્રીજા પક્ષના પ્રદાતાની શરતો તમારી અને Google નહીં પણ લાગુ થતા ત્રીજા પક્ષના પ્રદાતા વચ્ચે છે. Google આવા ત્રીજા પક્ષના પ્રદાતાઓની કોઈ ક્રિયાઓ કે નિષ્ક્રિયતાઓ માટે જવાબદાર નથી.

7. શુલ્ક

ચુકવણી સહભાગીઓ અથવા ત્રીજા પક્ષના શુલ્ક. ચુકવણી સહભાગીઓ અથવા ત્રીજા પક્ષના પ્રદાતાઓ તરફથી Google Payના તમારા ઉપયોગ સંબંધે તમને ઍક્સેસ અથવા ડેટા શુલ્ક લાગે તેમ બની શકે. આવા તમામ શુલ્ક માટે તમે જવાબદાર છો.

Googleના શુલ્ક. શુલ્ક અમુક વ્યવહારો અથવા Google Pay સેવાઓના ઉપયોગને લાગુ થઈ શકે જેમાં મોબાઇલ રિચાર્જનો સમાવેશ થાય છે પરંતુ આટલા પૂરતું મર્યાદિત નથી. દરેક વ્યવહાર પૂરો કરતા પહેલાં, લાગુ થતું હશે તો, લાગુ થઈ શકે તેવા કોઈપણ શુલ્ક બાબતે તમને સૂચિત કરવામાં આવશે. શુલ્ક માત્ર Googleની વિવેકબુદ્ધિએ નક્કી થયા હોય તેમ બની શકે અને લેવાતા કોઈપણ શુલ્કમાં તમામ લાગુ થતા ટેક્સનો સમાવેશ થશે.

8. Google Pay સેવાઓનો ઉપયોગ કરતા વ્યવહારો

Google Pay સેવાઓના ઉપયોગ પર મર્યાદાઓ. અમે અથવા ચુકવણી સહભાગીઓ Google Payના ઉપયોગને લગતી સામાન્ય પ્રણાલીઓ અને મર્યાદાઓ સ્થાપિત કરીએ તેમ બની શકે. અમે સૂચના વિના અને જવાબદારી વિના, Google Pay સેવાઓ અથવા Google Pay સેવાની કોઈપણ સુવિધાના કામકાજના કલાકો કે ઉપલબ્ધતા સહિત, Google Payના કોઈપણ પાસાને, કોઈપણ સમયે બદલવા, સસ્પેન્ડ કરવા અથવા બંધ કરવાનો અધિકાર આરક્ષિત રાખીએ છીએ. સૂચના વિના અને જવાબદારી વિના અમે અમુક સુવિધાઓ પર મર્યાદાઓ મૂકવાનો અથવા સેવાના ભાગ કે સંપૂર્ણ સેવાના ઍક્સેસને પ્રતિબંધિત કરવાનો અધિકાર પણ આરક્ષિત રાખીએ છીએ. અમે મોકલનાર અથવા પ્રાપ્તકર્તાને આગોતરી નોટિસ આપ્યા વિના કોઈપણ ચુકવણી વ્યવહાર પર પ્રક્રિયા કરવાનું નકારીએ તેમ બની શકે. અમને સ્પામ અથવા કપટપૂર્ણ કમ્યુનિકેશન લાગે તેવી, કોઈપણ ચુકવણી વિનંતીઓ સહિતની, બિન-Google Pay એકાઉન્ટમાંથી વપરાશકર્તાને પ્રાપ્ત થતી કોઈપણ કમ્યુનિકેશનને ઑટોમૅટિક રીતે બ્લૉક કરવાનો અધિકાર પણ અમે આરક્ષિત રાખીએ છીએ.

અમે વૉરંટ આપતા નથી કે Google Payમાં સમાવિષ્ટ ફંક્શન વિક્ષેપ વિનાના અથવા ભૂલરહિત હશે અને સેવામાં કોઈ વિક્ષેપો (વીજળી જતી રહેવી, સિસ્ટમની નિષ્ફ્ળતાઓ કે ચુકવણી વ્યવહારોની રસીદ, પ્રક્રિયા, સ્વીકાર, પૂર્ણતા કે પતાવટને અસર કરી શકે તેવા અન્ય વિક્ષેપો સહિત પણ આટલા પૂરતું મર્યાદિત નહીં) આવશે તો અમે જવાબદાર રહેશું નહીં.

વ્યવહારની મર્યાદાઓ. દરેક વ્યવહાર વ્યવહારની મહત્તમ અને લઘુતમ મર્યાદાઓને આધીન છે જે Google, કોઈ વપરાશકર્તા, ચુકવણી સહભાગીઓ દ્વારા સેટ કરવામાં આવી હોય અથવા લાગુ થતા કાયદાની જોગવાઈઓ હેઠળ સૂચવવામાં આવી હોય તેમ બની શકે. આ ઉપરાંત, Google અને ચુકવણી સહભાગીઓ તેમની સંબંધિત પૉલિસીઓ અને આકારણીઓના આધારે Google Pay પરના તમારા Google એકાઉન્ટ પર વ્યવહારોને (સંપૂર્ણ કે હિસ્સામાં) નકારે/સસ્પેન્ડ કરે તમ બની શકે છે.

વ્યવહારના રેકોર્ડ. તમારા વ્યવહારોના રેકોર્ડ તમારી Google Pay ઍપમાં તમારી વાતચીતના ઇતિહાસ અને વ્યવહારના ઇતિહાસમાં પ્રતિબિંબિત થશે. સંયુક્ત Google Pay શરતો અનુસાર, કોઈ ભૂલો કે અનધિકૃત વ્યવહારો છે કે કેમ તે નક્કી કરવા અને આવી ઇવેન્ટ બાબતે Googleને અલર્ટ કરવા માટે તમારા વ્યવહારની ઍક્ટિવિટી રિવ્યૂ કરવા તમે જવાબદાર છો.

વર્ચ્યુઅલ એકાઉન્ટ નંબર વડે વ્યવહાર કરવો. તમે Google Payનો ઉપયોગ કરીને વર્ચ્યુઅલ એકાઉન્ટ નંબર ચુકવણી કે પરિવહન વ્યવહાર કરો, ત્યારે Google તમારા વર્ચ્યુઅલ એકાઉન્ટ નંબરની વિગતો અને સંબંધિત માહિતી વ્યવહાર કરતા પક્ષને પાસ કરે તેમ બને, જેથી તે તમારી ચુકવણી પદ્ધતિ પર શુલ્ક વસૂલી શકે. વર્ચ્યુઅલ એકાઉન્ટ નંબરનો વ્યવહાર ત્યારે થાય જ્યારે તમે: NFCનો ઉપયોગ કરીને સ્ટોરમાં અથવા પરિવહન સેવાઓ પર ટૅપ કરીને ચુકવણી કરોનો ઉપયોગ કરો, બારકોડ અથવા QR કોડ સ્કૅન કરો અથવા અન્ય સંપર્ક રહિત ટેક્નોલોજીનો ઉપયોગ કરો; ત્રીજા પક્ષની વેબસાઇટ કે ઍપ પર ઑનલાઇન વ્યવહારમાં ચુકવણીના વિકલ્પ તરીકે "Google Pay" અથવા "Google Pay વડે ખરીદી કરો" પસંદ કરો; અથવા અન્ય કોઈ ઑનલાઇન ઇન્ટરફેસ મારફતે ત્રીજા પક્ષ સાથે વ્યવહાર કરો, જેમ કે Google Assistant મારફતે. તમે ઑનલાઇન વ્યવહાર કરો, ત્યારે વ્યવહાર પૂરો કરવા માટે સુસંગત હોય ત્યાં, Google Pay Google એકાઉન્ટમાં સાચવેલી બિલિંગ, શિપિંગ કે ઇમેઇલ ઍડ્રેસ જેવી અન્ય માહિતી પણ શેર કરે તેમ બની શકે.

ચુકવણી પદ્ધતિ અને અન્ય વિગતો ત્રીજા પક્ષને પાસ કર્યા પછી, તમારી અને ત્રીજા પક્ષ વચ્ચેના વ્યવહારમાં Google શામેલ રહેશે નહીં અને તમે સ્વીકાર કરો છો અને સંમત થાઓ છો કે આવો વ્યવહાર માત્ર તમારી અને ત્રીજા પક્ષ વચ્ચે છે, Google કે તેના કોઈ આનુષંગિકો સાથે નથી. રિફંડ અને તકરારો સહિત, વર્ચ્યુઅલ એકાઉન્ટ નંબરના વ્યવહારો બાબતે કોઈ સમસ્યાઓ સંબંધે તમારે સીધો ત્રીજા પક્ષ કે તમારા ચુકવણી પદ્ધતિના પ્રદાતા (ઉદાહરણ તરીકે, તમારા ચુકવણીના ઇન્સ્ટ્રુમેન્ટના રજૂકર્તા)નો સંપર્ક કરવો જોઈએ.

તમે સ્વીકાર કરો છો કે, ખૂબ સારી રીતે ફૉર્મેટ કરેલી વ્યવહારની વિગતો અને તમારો તાજેતરનો વ્યવહારનો ઇતિહાસ Google Payમાં બતાવવા માટે, Google Pay તમારા ચુકવણી પદ્ધતિના રજૂકર્તા પાસેથી વ્યવહારના લોકેશનની માહિતી સહિતની વ્યવહારની માહિતી પ્રાપ્ત કરે તેમ બની શકે.

પરવાનગી આપી શકાય તેવા વ્યવહારો. તમે Google Pay સેવાઓનો ઉપયોગ સામાન અને સેવાઓની ખરીદી સહિતના માત્ર કાયદેસરના અને પ્રમાણભૂત ઉદ્દેશો માટે ચુકવણી કરવાના વ્યવહાર પર પ્રક્રિયા કરવા માટે જ કરી શકો છો. તમે Google Pay સેવાનો ઉપયોગ કોઈ ગેરકાયદેસર સામાન કે સેવાઓના વેચાણ કે વિનિમય અથવા અન્ય કોઈ છુપા ગેરકાયદેસર વ્યવહાર સંબંધે ચુકવણી વ્યવહારો પર પ્રક્રિયા કરવા માટે ન કરી શકો.

તમે સંમત થાઓ છો કે સંયુક્ત Google Pay શરતો, ચુકવણી સહભાગીના નિયમો, લાગુ થતા કાયદા અથવા Google Pay સેવાઓને લાગુ થતી અન્ય કોઈ પૉલિસીઓ કે નિયમોનું ઉલ્લંઘન કરતા વ્યવહારો પર પ્રક્રિયા કરવા માટે તમે Google Pay સેવાનો ઉપયોગ કરશો નહીં. તમારા Google Pay વ્યવહારો સંબંધે તમને હોઈ શકે તેવા અધિકારો અને જવાબદારીઓ સમજવા માટે તમારે Google Pay પૉલિસીઓ રિવ્યૂ કરવી જોઈએ. Google Pay પૉલિસીઓ જે ઉદ્દેશો માટે ચુકવણીઓ કરવા કે મેળવવા માટે Google Pay સેવાઓનો ઉપયોગ ન થઈ શકે તે સ્થાપિત કરે છે. Google Pay પૉલિસીઓ અને તે અંતર્ગત રહેલા પ્રતિબંધોનું પાલન કરવામાં નિષ્ફ્ળતાના પરિણામે તમારો વ્યવહાર નકારાય અથવા Google Pay સેવાનો તમારો ઉપયોગ સસ્પેન્ડ કરી દેવાય કે સમાપ્ત કરી દેવાય તેમ બને.

તમે Google Pay સેવાઓના ભાગ તરીકે વ્યવસાય પેજ હોસ્ટ કરતા હો, તો તમે વ્યવસાય પેજનો ઉપયોગ (a) ગેરકાયદેસર ઉદ્દેશો માટે કે ગેરકાયદેસર ઍક્ટિવિટીના સપોર્ટમાં; (b) ગેરકાનૂની વ્યવહારને અથવા કોઈપણ ગેરકાનૂની કે પ્રતિબંધિત પ્રોડક્ટ કે સેવાઓના વેચાણ કે વિનિમયને પ્રમોટ કરવા અથવા તેની સુવિધા કરી આપવા માટે; (c) છેતરામણા અથવા Google Pay પૉલિસીઓ, વ્યવસાય માટે Google Pay પૉલિસીઓ અથવા Play પૉલિસી અંતર્ગત પ્રતિબંધિત હોય તેવા કન્ટેન્ટ કે ઍક્ટિવિટી સંબંધે; (d) તમારી ઍક્ટિવિટીને Googleનું સમર્થન છે તેવું સૂચવતી કોઈપણ રીતે; (e) Googleની નામના કે પ્રતિષ્ઠાને નુકસાન કરે તેવી કોઈપણ રીતે; અથવા (f) લાગુ થતા કાયદાનું પાલન ન કરતી હોય તેવી કોઈપણ રીતે કરશો નહીં.

Google કોઈપણ સમયે ઉપરનાનું અનુપાલન લેખિતમાં સર્ટિફાય કરવું તમારા માટે જરૂરી બનાવી શકે અને તમે આવું લેખિત સર્ટિફિકેટ Google દ્વારા સમય સમય પર જરૂરી હોઈ શકે તેવા સ્પોર્ટિંગ દસ્તાવેજો સાથે આપશો.

9. Google Pay પર બિલ ચુકવણી

બિલની પ્રસ્તુતિ. એકવાર તમે Google Pay ઍપ પર બિલરની નોંધણી કરાવો એટલે, તમે તે બિલર તરફથી જેમ ઉપલબ્ધ થાય તેમ તમારા વર્તમાન અને ભવિષ્યના બિલની વિગતો અથવા યોગ્યતા ધરાવતા રિચાર્જ પ્લાન અથવા નિવેદન જોઈ શકો તેમ બને. ખાતરી કરો કે કોઈપણ ચુકવણીઓ કરતા પહેલાં તમે તમારા બિલની વિગતો ચેક કરી લો. કોઈપણ તફાવતના કિસ્સામાં, કૃપા કરીને તમારા બિલરનો સંપર્ક કરો.

તમારી બિલ ચુકવણીઓનું શેડ્યૂલ બનાવવું. ચુકવણી ચુકવવાપાત્ર બનવાનો સમય તમે પસંદ કરેલા બિલરના આધારે અલગ-અલગ રહેશે. Google Payને તમારી પાસેથી ચુકવણીની સૂચના મળે ત્યારે તમારું ફંડિંગ એકાઉન્ટ ડેબિટ કરવાની તેમજ તમારા વતી જે-તે બિલરને ચુકવણીના નાણાં મોકલવાની સૂચના ચુકવણી સિસ્ટમના પ્રદાતાઓને મોકલવા તમે અમને અધિકૃત કરો છો. ચુકવણીઓ આવા બિલર અને ચુકવણી સહભાગીઓની પૉલિસીઓ અને પ્રક્રિયાઓને આધીન છે. અમે (i) બિલર દ્વારા ચુકવણી વ્યવહારમાં થતા વિલંબો; (ii) વ્યવહારોમાં વિલંબ, નિષ્ફ્ળતા કે રિવર્સલ અથવા (iii) ચુકવણીની તારીખો સમયસર શેડ્યૂલ કરવામાં તમારી નિષ્ફ્ળતા બાબતે અમે જવાબદાર નથી. આવા બિલર દ્વારા મોડી ચુકવણી બદલ લદાયેલું શુલ્ક કે અન્ય કોઈપણ દંડ સહિત મોડી ચુકવણીને કારણે ઉદ્ભવતા કોઈપણ પરિણામો માટે તમે જવાબદાર છો.

બિલના રિમાઇન્ડર. બિલ ચુકવણીની આવશ્યક્તાઓના તમારા પોતાના રેકોર્ડ ઉપરાંત, Google Pay પણ તમારા બિલ ચુકવવાના રિમાઇન્ડર તમને મોકલે તેમ બની શકે. આ તમને તમારી બિલ ચુકવણીઓ સમયસર શેડ્યૂલ કરવામાં સહાય કરશે.

ચુકવણીનો ઇતિહાસ. તમે Google Pay ઍપ મારફતે તમારી બિલ ચુકવણીની વિનંતીઓ વિશેની માહિતી ઍક્સેસ કરી શકો. તમારે તમારી બિલ ચુકવણીની વિનંતીઓને હંમેશાં બિલર દ્વારા પ્રદાન કરાતા કોઈપણ નિવેદનો કે ચુકવણીના રેકોર્ડ સામે ચકાસવી અને કન્ફર્મ કરવી જોઈએ.

પ્રીપેઇડ રિચાર્જ. Google Pay તમારા પ્રીપેઇડ મોબાઇલ, ડેટા કે અન્ય એકાઉન્ટને રિચાર્જ કરાવવાની સુવિધા કરી આપે છે. વાસ્તવિક મોબાઇલ, ડેટા કે અન્ય કોઈપણ સેવા તમે જેમનું એકાઉન્ટ ધરાવો છો તેવા ટેલિકમ્યુનિકેશન સેવા પ્રદાતા જેવા પ્રીપેઇડ સેવા પ્રદાતાઓ ("પ્રીપેઇડ સેવા પ્રદાતાઓ") અથવા તેમના વિતરકો અને ઍગ્રિગેટર દ્વારા પ્રદાન કરાય છે, Google Pay દ્વારા નહીં. તમે આ સાથે સંમત થાઓ છો કે પ્રીપેઇડ સેવા પ્રદાતાઓ દ્વારા ઑફર કરાતો હોય તેવો ઉચિત પ્લાન પસંદ કરવા અને તેની શરતોનું પાલન કરવા માટે માત્ર તમે જવાબદાર રહેશો. તમે સમજો છો કે Google Pay પર પ્રદાન કરાતા પ્લાન માત્ર સંદર્ભના ઉદ્દેશો માટે છે. પ્લાન અપ ટૂ ડેટ ન હોય અને બદલાઈ ગયા હોય તેમ બની શકે. નવીનતમ પ્લાન અને વિગતો માટે તમારે વ્યવહાર કરતા પહેલાં તમારા પ્રીપેઇડ સેવા પ્રદાતા સાથે ચેક કરવું જોઈએ.

ઍડ-હૉક બિલ ચુકવણીઓ. તમે બિલ ચુકવણી અથવા રિચાર્જ માટે ઍડ-હૉક રકમ દાખલ કરવાનું પણ પસંદ કરી શકો, જોકે તેનો સ્વીકાર માત્ર બિલરની વિવેકબુદ્ધિ પર આધારિત રહેશે. ચુકવણી કરવા અથવા તમારું એકાઉન્ટ રિચાર્જ કરવા માટે તમે દાખલ કરેલી વિગતોની સચોટતા માટે તમે જવાબદાર છો. આ ઉપરાંત તમે સંમત થાઓ છો કે રિચાર્જ અથવા અન્ય બિલ ચુકવણીને અસરમાં લાવવામાં બિલરની બાજુએ થતી કોઈપણ નિષ્ફ્ળતા કે બિલર દ્વારા અપાતી સેવાની ક્વૉલિટી સંબંધિત કોઈપણ સમસ્યા બાબતે Google Pay જવાબદાર રહેશે નહીં અને તેને સંબંધિત કોઈપણ તકરારનું નિરાકરણ સીધું તમારી અને બિલરની વચ્ચે થશે.

રિફંડ. મોબાઇલ રિચાર્જ સહિતની બિલ ચુકવણી કે તમારા એકાઉન્ટમાંથી ડેબિટ થયેલી કોઈપણ ચુકવણી જેના માટે બિલ ચુકવણી કે રિચાર્જની ડિલિવરી થઈ નથી તે ચુકવણી રકમનું રિફંડ, માત્ર બિલરની શરતો અને પૉલિસીઓ અનુસાર થશે અને તમે સંમત થાઓ છો કે Google Pay તેને માટે જવાબદાર રહેશે નહીં.

10. Google Pay પર લોન સુવિધાની સેવાઓ

લોન સુવિધાની ઑફરો. તમે સંમત થાઓ છો કે તમે જેને માટે યોગ્યતા ધરાવતા હો તેવી લોન સુવિધાઓ સંબંધિત ઑફરો ધિરાણ આપતા ત્રીજા પક્ષો તમને મોકલી શકે. તમે સ્વીકાર કરો છો કે લોન સુવિધાની શરતો અને માત્રા સહિતની લોન સુવિધા માટેની તમારી યોગ્યતા માત્ર ધિરાણ આપતા ત્રીજા પક્ષની વિવેકબુદ્ધિ પર આધારિત રહેશે. આવી ઑફર માટેના કન્ટેન્ટ અથવા લોન સુવિધા માટે Google જવાબદાર નથી. Google જેમની સાથે કામ કરે છે તેવા ધિરાણ આપતા ત્રીજા પક્ષો અને તેમની સેવાની શરતો અહીં મળી શકે:

- DMI finance

- Aditya Birla Finance Limited

- Bajaj Finance

- Axis Bank

લોન સુવિધાની સેવાઓ માટે અરજી કરવી. ધિરાણ આપતા ત્રીજા પક્ષો દ્વારા તમને ઑફર કરાતી લોન સુવિધા માટે અરજી કરવા, તમારે ઑફર સ્વીકારવી અને Google Pay પર ધિરાણ આપતા ત્રીજા પક્ષ દ્વારા પ્રદાન કરાતી લોન અરજી ભરવી જરૂરી છે. ધિરાણ આપતા જે-તે ત્રીજા પક્ષના આધારે, તમે તમારી પસંદગીની લોન સુવિધાની રકમ અને સમાન માસિક હપ્તા ("EMI") તેના ટેન્યર સહિત પસંદ કરી શકો. ઉપરાંત, તમારું નામ, સરનામું, ફોન નંબર, IP ઍડ્રેસ, તમે પસંદ કરેલી લોનની રકમ, ટેન્યર અને EMI પ્લાન, લોનનો ઉદ્દેશ અને ધિરાણ આપતા ત્રીજા પક્ષ દ્વારા જરૂરી હોય તેવી આવી અન્ય માહિતી સહિત પણ આટલા પૂરતું મર્યાદિત નહીં તેવી અમુક વ્યક્તિગત માહિતી પ્રદાન કરવી તમારા માટે જરૂરી હોઈ શકે.

Google Pay ઍપ પર લોન સેવાઓની સુવિધા માટે અરજી કરતી વખતે ધિરાણ આપતા ત્રીજા પક્ષ સાથેની તમારી KYC વિગતો સાચી અને સચોટ હોવાની ખાતરી કરવા તમે જવાબદાર છો.

તમે સમજો છો કે તમને લોન સુવિધાની સેવાઓ તમારા ધિરાણ આપતા ત્રીજા પક્ષ પાસેથી ઉપલબ્ધ થઈ રહી છે અને તમે આ ઉદ્દેશ માટે ધિરાણ આપતા ત્રીજા પક્ષ સાથે લોનનો કરાર કરશો. તમને લોન સુવિધા ઑફર કરવા કે પ્રદાન કરવા અથવા લોન કરારના પર્ફોર્મન્સ બાબતે Google કોઈપણ રીતે શામેલ કે જવાબદાર નથી.

ફી અને શુલ્ક. તમે સમજો છો કે, લોન સુવિધાની ઝટપટ પ્રક્રિયા અને સ્ટૅમ્પ ડ્યુટીના શુલ્ક માટે ધિરાણ આપતો ત્રીજો પક્ષ તમારી પાસેથી સેવા શુલ્ક વસૂલી શકે, જે તમને લોનની અરજીમાં સ્પષ્ટ કરેલું હશે અને લોન સુવિધાની રકમમાંથી કાપવામાં આવશે.

તમારી લોનની અરજી કાળજીપૂર્વક રિવ્યૂ કરો. અરજી પૂરી કરતા અને સબમિટ કરતા પહેલાં વ્યાજનો રેટ, EMI પ્લાન અને લોન સુવિધાના અન્ય શુલ્ક સહિત લોનના કરારની બધી શરતો સમજવા અને તેને કાળજીપૂર્વક રિવ્યૂ કરવાની ખાતરી કરવા તમે જવાબદાર છો. કૃપા કરીને ખાતરી કરો કે લોન સુવિધા માટે અરજી કરવાના ક્રમ દરમિયાન તમારા અથવા ધિરાણ આપતા ત્રીજા પક્ષ દ્વારા અપાતી લોન સુવિધાની માહિતી તમે રિવ્યૂ અને કન્ફર્મ કરો. કૃપા કરીને નોંધો કે લાગુ થતા હોય તેવા EMI, સેવા શુલ્ક અને સ્ટૅમ્પ ડ્યુટીની અંતિમ રકમો ધિરાણ આપતા ત્રીજા પક્ષ દ્વારા નક્કી કરવામાં આવે છે. અરજીની પ્રક્રિયા દરમિયાન તમે કન્ફર્મ કરેલી હોય તેવી કોઈપણ ભૂલ કે તફાવત માટે અથવા લોન કરારના પર્ફોર્મન્સ માટે Google જવાબદાર રહેશે નહીં. કોઈપણ તફાવતની સુધારણા માટે તમારે ધિરાણ આપતા ત્રીજા પક્ષ સાથે સીધું સંકળાવું જરૂરી બનશે.

લોન સુવિધાની પ્રસ્તુતિ. ધિરાણ આપતા ત્રીજા પક્ષ દ્વારા તમારી અરજી સફળતાપૂર્વક મંજૂર કરવામાં આવે એટલે તમે તમારી Google Pay ઍપ પર લોન સુવિધાની રસીદ ("લોન સુવિધાની રસીદ") જોઈ શકો છો. લોન સુવિધાની રસીદમાં નામ, સરનામું, અરજીની તારીખ, લોન સુવિધાની રકમ, વ્યાજનો રેટ, ટેન્યર, EMIsની સંખ્યા, ફી અને શુલ્ક અને આવી અન્ય માહિતી જેવી માહિતી, લોન અરજીની પ્રક્રિયા દરમિયાન તમે કન્ફર્મ કરી હોય તે મુજબ, સમાવિષ્ટ હોઈ શકે. લોન સુવિધાની રસીદમાં કોઈ તફાવત હોય તેના વિશે ધિરાણ આપતા ત્રીજા પક્ષ સાથે વાત કરવાની રહેશે.

લોન સુવિધાની રકમનું વિતરણ. લોન સુવિધાની રકમ સીધી ધિરાણ આપતા ત્રીજા પક્ષ સાથેના તમારા એકાઉન્ટમાં ક્રેડિટ કરવામાં આવશે.

EMI ચુકવણીના રિમાઇન્ડર. તમે સંમત થાઓ છો કે તમને ધિરાણ આપતો ત્રીજો પક્ષ Google Pay ઍપ મારફતે તમારો EMI ચુકવવાના રિમાઇન્ડર સહિત લોન સુવિધા અંગેના કમ્યુનિકેશન તમને મોકલે તેમ બની શકે.

લોન સુવિધાની રકમની પરત ચુકવણી. EMIની નિયત તારીખે, EMI ચુકવણીની રકમ તમને ધિરાણ આપતા ત્રીજા પક્ષ દ્વારા, તેમની સાથેના તમારા એકાઉન્ટમાંથી સીધી ડેબિટ કરી લેવાશે. તમારા એકાઉન્ટમાં પૂરતું ભંડોળ જાળવવા અને લોન કરારના પર્ફોર્મન્સમાંથી અથવા EMIની આવશ્યકતાઓ પૂરી ન થઈ શકે તેટલા અપૂરતા ભંડોળને કારણે પરિણમતા, ધિરાણ આપતા ત્રીજા પક્ષ સાથે તમે અમલમાં મૂકેલા લોનના કરારની શરતો અનુસાર વ્યાજ લાદવા સહિતના કોઈપણ દંડ માટે તમે જવાબદાર છો.

Google Pay પર લોન સુવિધા સેવાઓ મેળવીને, તમે Google Payને તમારા વતી લોન સુવિધાના વ્યવહારની માહિતી નિરંતર આધારે ઍક્સેસ, તેનો ઉપયોગ અને સ્ટોર કરવા સ્પષ્ટ રીતે અધિકૃત કરો છો, જે પાછળનો ઉદ્દેશ તમને Google Pay પર સેવાઓ આપવાનો છે.

11. Google Pay પર ક્રેડિટ કાર્ડ સેવાઓ

તમે સંમત થાઓ છો કે Google અથવા ક્રેડિટ આપતી સંસ્થાઓ તમે યોગ્યતા ધરાવતા હો તેવા ક્રેડિટ કાર્ડ અને સંબંધિત ઑફરો કે સેવાઓને લગતી ઑફરો મોકલે તેમ બની શકે. તમે સ્વીકાર કરો છો કે ક્રેડિટ કાર્ડ માટેની તમારી યોગ્યતા માત્ર ક્રેડિટ સંસ્થાની વિવેકબુદ્ધિ અને તેની પરંપરાગત પ્રક્રિયાઓ તથા બેંક દ્વારા વિકસાવાયેલા ક્રેડિટ અન્ડરરાઇટિંગ માપદંડ પર આધારિત રહેશે તેમજ માત્ર ક્રેડિટ આપતી સંસ્થાની વિવેકબુદ્ધિએ મંજૂરી કે નામંજૂરીને આધીન રહેશે.

ક્રેડિટ કાર્ડ માટે અરજી કરવી. ક્રેડિટ સંસ્થા દ્વારા તમને ઑફર કરાતા ક્રેડિટ કાર્ડ માટે અરજી કરવા, તમારે Google Pay પર ક્રેડિટ સંસ્થા દ્વારા અપાયેલી અરજી સબમિટ કરવી જરૂરી છે. તમારું નામ, સરનામું, ફોન નંબર, આવકની રેંજ, રોજગારની માહિતી અને આવી અન્ય માહિતી સહિત પણ આટલા પૂરતું મર્યાદિત નહીં તેવી અમુક વ્યક્તિગત માહિતી પ્રદાન કરવી તમારા માટે જરૂરી હોઈ શકે. Google Pay ઍપ પર ક્રેડિટ કાર્ડ માટે અરજી કરતી વખતે ક્રેડિટ સંસ્થાઓ સાથેની તમારી KYC વિગતો સાચી અને સચોટ હોવાની ખાતરી કરવા તમે જવાબદાર છો.

તમે સમજો છો કે તમને ક્રેડિટ કાર્ડ તમારી ક્રેડિટ સંસ્થા પાસેથી ઉપલબ્ધ થઈ રહ્યું છે અને તમે આ ઉદ્દેશ માટે ક્રેડિટ સંસ્થા સાથે કરાર કરશો. તમને ક્રેડિટ કાર્ડ ઑફર કરવા કે પ્રદાન કરવા બાબતે Google કોઈપણ રીતે શામેલ કે જવાબદાર નથી.

તમારી ક્રેડિટ કાર્ડની અરજીનો કાળજીપૂર્વક રિવ્યૂ કરો. અરજી પૂરી કરતા અને સબમિટ કરતા પહેલાં તમારી અને તમારી ક્રેડિટ સંસ્થા વચ્ચેના ક્રેડિટ કાર્ડ કરાર અંતર્ગત તમારા ક્રેડિટ કાર્ડનું સંચાલન કરતી બધી શરતો તમે સમજતા હોવાની ખાતરી કરવા તમે જવાબદાર છો. અરજીની પ્રક્રિયા દરમિયાન તમે કન્ફર્મ કરેલી હોય તેવી કોઈપણ ભૂલ કે તફાવત માટે Google જવાબદાર રહેશે નહીં તેમજ ક્રેડિટ કાર્ડની જોગવાઈ અથવા ક્રેડિટ સંસ્થા દ્વારા પ્રદાન કરાયેલી ક્રેડિટ કાર્ડ સંબંધિત કોઈપણ માહિતીની સચોટતા માટે જવાબદાર રહેશે નહીં. તમારા ક્રેડિટ કાર્ડ સંબંધિત કોઈપણ તફાવતની સુધારણા માટે અથવા તમારું ક્રેડિટ કાર્ડ બંધ કે સમાપ્ત કરવા માટે, તમારે ક્રેડિટ સંસ્થા સાથેના તમારા ક્રેડિટ કાર્ડ કરારની શરતો મુજબ સીધું ક્રેડિટ સંસ્થા સાથે સંકળાવું જરૂરી બનશે.

Google Pay પર ક્રેડિટ કાર્ડ સેવાઓ મેળવીને, તમે Google Payને તમારી ક્રેડિટ કાર્ડ અરજીની માહિતી ઍક્સેસ, તેનો ઉપયોગ અને સ્ટોર કરવા સ્પષ્ટ રીતે અધિકૃત કરો છો, જે પાછળનો ઉદ્દેશ તમને Google Pay પર તમારા ક્રેડિટ કાર્ડને લગતી ઑફરો અને તમે યોગ્યતા ધરાવતા હો તેવી સંબંધિત ઑફરો કે સેવાઓ તમને મોકલવા, તથા કપટ વિશ્લેષણ અને કપટ મિટિગેશનના પ્રયાસોમાં સહાયતા કરવાનો છે.

12. ક્રેડિટ રિપોર્ટ

અધિકૃતિ: તમે સંમત થાઓ છો કે તમારી વિગતો આપીને અને Google Pay પર ચાલુ રાખો પર ક્લિક કરીને તમે

1. તમારી ક્રેડિટ માહિતી માટે વિનંતી કરી છે;
2. તમારી ઓળખની ચકાસણી કરવા અને Google Pay પર તમે આપેલી વિગતો TransUnion CIBIL Limited (“TUCIBIL”, ક્રેડિટ બ્યુરો) સાથે સમય સમય પર વિનંતી કરવામાં આવે તેમ શેર કરવા તેમજ વાપરનારે પરવાનગી આપેલા ઉદ્દેશથી તમારી ક્રેડિટ માહિતી મેળવવા, Googleને અધિકૃત પ્રતિનિધિ તરીકે નિયુક્ત કરવા માટે તમારી સંમતિ આપી છે;
3. તમારી ક્રેડિટ માહિતી a) Google Pay પર તમારું એકાઉન્ટ નિષ્ક્રિય કરી દેવાય, b) વાપરનારે પરવાનગી આપેલા ઉદ્દેશ માટે તમારી ક્રેડિટ માહિતી જરૂરી હોય તે સમય, c) 6 મહિનાનો મર્યાદિત સમયગાળો, d) Google Pay પર તમારી ક્રેડિટ માહિતી સ્ટોર/તેનો ઉપયોગ કરવાની તમારી સંમતિ તમે પાછી ખેંચી લો, આમાંથી જે પહેલું થાય ત્યાં સુધી Googleને તમારી ક્રેડિટ માહિતી જાળવી રાખવા અને સ્ટોર કરવા અધિકૃત કરો છો; અને
4. ક્રેડિટ માહિતીમાં કોઈપણ ફેરફાર કર્યા વિના Google Pay ઍપ પર ક્રેડિટ માહિતીને વધુ પ્રસ્તુતિયોગ્ય અને વપરાશકર્તા માટે ઉપયુક્ત બનાવવાના જ ઉદ્દેશથી તેની પુનઃગોઠવણી કરવા કે ગ્રૂપમાં મૂકવા Googleને અધિકૃત કરો છો.

ક્રેડિટ સ્કોર સિમ્યુલેટર: ક્રેડિટ સ્કોર સિમ્યુલેટરનો ઉપયોગ માત્ર વપરાશકર્તાઓ દ્વારા પસંદ કરેલા સંજોગોના આધારે કાલ્પનિક સ્કોરના સૂચક તરીકે કરવાનો છે. તમે સમજો છો કે ક્રેડિટ સ્કોર સિમ્યુલેટર TUCIBIL પ્રોડક્ટ છે અને ક્રેડિટ સ્કોર સિમ્યુલેટરના કાર્ય કે તેમાંથી મેળવેલા સિમ્યુલેટ કરેલા ક્રેડિટ સ્કોરમાં Googleનો કોઈ રોલ નથી.

અસ્વીકાર:

(i) Google Pay તમારી ક્રેડિટ માહિતી બતાવવા માટે અને TUCIBIL દ્વારા અપાયેલા ક્રેડિટ સ્કોર સિમ્યુલેટર માટે એક ટેક્નોલોજી પ્લૅટફૉર્મ પ્રદાન કરે છે તથા તમારી ક્રેડિટ માહિતી કે સિમ્યુલેટ કરેલા સ્કોરનું નિયંત્રણ કરતું નથી. ક્રેડિટને લગતા નિર્ણયો લેવા માટે સિમ્યુલેટ કરેલા સ્કોર પર વિશ્વાસ મૂકવામાં આવશે નહીં અને માત્ર શીખવાના ઉદ્દેશો માટે તેનો સંદર્ભ લેવાશે.

(ii) તમારા ક્રેડિટ રિપોર્ટની કોઈપણ માહિતી સચોટ ન હોય અને તેની તમારા ક્રેડિટ સ્કોર પર અસર પડતી હોય, તો સીધી TUCIBIL સાથે તેની આધિકારિક વેબસાઇટ મારફતે તકરાર કરવાનો તમને અધિકાર છે.

13. Google Pay પર UPI Lite સેવાઓ

UPI Lite સેવાની સુવિધા NPCI દ્વારા આપવામાં આવી છે અને Google Pay ઍપ પર ચાલુ કરવામાં આવી છે, જેના મારફતે તમે તમારા UPI Lite એકાઉન્ટ ("UPI Lite")નો ઉપયોગ કરીને નીચે 'વપરાશ અને પતાવટ' વિભાગમાં આપેલી મર્યાદા સુધી, UPI પિન દાખલ કર્યા વિના, ઓછા મૂલ્યના ચુકવણી વ્યવહારો કરી શકો છો. UPI Lite માત્ર સેવા તરીકે ઑફર કરવામાં આવે છે, Google Pay ઍપ પર નવા એકાઉન્ટ કે વૉલેટ તરીકે નહીં. તમે સમજો છો કે તમે તમારું મોબાઇલ ડિવાઇસ બદલો ત્યારે તમે એ જ ફોન નંબર અને બેંક એકાઉન્ટનો ઉપયોગ કરતા હો, તો જ તમે નવા ડિવાઇસમાંથી તમારું UPI Lite એકાઉન્ટ બૅલેન્સ ઍક્સેસ કરવાનું ચાલુ રાખી શકશો.

નોંધણી અને લોડ કરવું: તમારા પ્રોફાઇલ આઇકન પર ક્લિક કરીને ચુકવણી પદ્ધતિના પેજમાં UPI Liteનું સેટઅપ કરીને તમે UPI Lite માટે નોંધણી કરાવી શકો છો. નોંધણીના ભાગ તરીકે, તમને તમારા UPI Lite એકાઉન્ટમાં UPI Liteને સપોર્ટ કરતા લિંક કરેલા બેંક એકાઉન્ટ (“બેંક એકાઉન્ટ”) મારફતે INR 2000 સુધી ઉમેરવાનું પ્રૉમ્પ્ટ કરવામાં આવશે. તમે સફળતાપૂર્વક તમારો UPI પિન દાખલ કરો અને માન્ય કરો તેમજ તમારા UPI Lite એકાઉન્ટમાં નાણાં ઉમેરવામાં આવે ત્યારે UPI Lite માટેની નોંધણી પૂરી થયેલી ગણાશે. તમે સમજો છો કે UPI Liteને સપોર્ટ કરતું માત્ર એક જ બેંક એકાઉન્ટ Google Pay ઍપ પર UPI Lite સાથે લિંક કરવા માટે ઉપયોગમાં લઈ શકાય.

વપરાશ અને પતાવટ: UPI Lite એકાઉન્ટનો ઉપયોગ કરીને તમે પીઅર કે વેપારીને મહત્તમ રૂ.500 સુધીનો ચુકવણી વ્યવહાર કરી શકો છો. UPI Lite એકાઉન્ટની કુલ દૈનિક વપરાશની મર્યાદા રૂ.4000 સુધી પ્રતિબંધિત રહેશે, જેમાં દિવસમાં બે વાર મહત્તમ રૂ. 2000 ઉમેરી શકાશે. તમે સમજો છો કે:

1. NPCI તમને અગાઉથી કંઈ જાણ કર્યા વિના સમય સમય પર માત્ર તેની વિવેકબુદ્ધિએ ઉપર જણાવેલી વપરાશની મર્યાદાઓમાં ફેરફાર કરે તેમ બની શકે.
2. UPI Lite એકાઉન્ટ માત્ર 'ડિવાઇસ પર'નું વર્ચ્યુઅલ બૅલેન્સ છે અને તમારા દ્વારા ફાળવાયેલું UPI Lite બૅલેન્સ દર્શાવે છે. UPI Lite બૅલેન્સ પર તમને કોઈ વ્યાજ ચુકવવામાં આવશે નહીં.
3. તમારા UPI Lite એકાઉન્ટ સંબંધે વાસ્તવિક નાણાં કે ભંડોળ માત્ર તમારી જારીકર્તા બેંક દ્વારા ધારણ કરાશે અને જળવાશે;
4. UPI Lite એકાઉન્ટનો ઉપયોગ માત્ર ડેબિટ વ્યવહારો માટે કરી શકાય અને તમામ ક્રેડિટ વ્યવહારો (રિફંડ, વગેરે સહિત) પર તમારા બેંક એકાઉન્ટમાં પ્રક્રિયા કરવામાં આવશે.
5. UPI Lite એકાઉન્ટનો ઉપયોગ પીઅર ટુ પીઅર એકત્રીકરણની વિનંતીઓ, ઑટોમૅટિક ચુકવણી અને આંતરરાષ્ટ્રીય ચુકવણી વ્યવહારો માટે ન કરી શકાય.
6. તમારું UPI Lite એકાઉન્ટ પૂરતા ભંડોળ સાથે ઉપલબ્ધ હોય તો, રૂ 500 સુધીના કોઈપણ ચુકવણી વ્યવહાર માટે (રૂ 4000ની કુલ દૈનિક વપરાશને આધીન), તમારું UPI Lite એકાઉન્ટ ડિફૉલ્ટ તરીકે ઉપયોગમાં લેવાશે.

નોંધણી રદ કરવી: તમે Google Pay ઍપમાંથી કોઈપણ સમયે UPI Lite સેવાઓ બંધ કરી શકો છો. એકવાર બંધ કરવામાં આવે એટલે UPI Liteનું ન વપરાયેલું બૅલેન્સ તમારી જારીકર્તા બેંક દ્વારા તમારા બેંક એકાઉન્ટમાં ક્રેડિટ કરવામાં આવશે. તમે સમજો છો કે:

1. UPI Lite એકાઉન્ટમાં તમારું પહેલેથી કોઈ બૅલેન્સ હોય અને તમારું બેંક એકાઉન્ટ બંધ થઈ જાય, તો તમે તમારા UPI Lite એકાઉન્ટમાં પહેલેથી રહેલું બૅલેન્સ ખર્ચી શકશો.
2. તમે તમારું મોબાઇલ ડિવાઇસ બદલો અથવા તમારું મોબાઇલ ડિવાઇસ ખોવાઈ જાય, તો UPI Lite એકાઉન્ટનું ઉપલબ્ધ બૅલેન્સ તમારા નવા ડિવાઇસમાં પાછું મેળવવાપાત્ર રહેશે નહીં કારણ કે નવા ડિવાઇસ માટે નવું UPI Lite એકાઉન્ટ બનાવવામાં આવશે. તમે તમારું મોબાઇલ ડિવાઇસ બદલતા હો, તો તમે તમારા જૂના ડિવાઇસમાંથી તમારું UPI Lite એકાઉન્ટ બંધ કરો અને UPI Liteનું બૅલેન્સ પાછું તમારા બેંક એકાઉન્ટમાં ખસેડી લો તેની તમારે ખાતરી કરવી જોઈએ. તમે તમારા જૂના ફોન/ડિવાઇસમાંથી UPI LITE બંધ કરવામાં નિષ્ફ્ળ જાઓ, તો તમારી જારીકર્તા બેંક UPI LITEનું ઉપલબ્ધ બૅલેન્સ પાછું તમારા એકાઉન્ટમાં ખસેડી શકશે નહીં. જોકે તમે જારીકર્તા બેંકને આ વિશે જાણ કરો, તો તમારી જારીકર્તા બેંક UPI LITEનું કોઈપણ ઉપલબ્ધ બૅલેન્સ રિફંડ કરવાના શ્રેષ્ઠ પ્રયાસ કરશે. તમે સમજો છો કે જણાવેલા કોઈપણ સંજોગોમાં તમારા UPI Lite એકાઉન્ટમાં નાણાંનું નુકસાન થશે તો Google, NPCI કે તમારી જારીકર્તા બેંક જવાબદાર રહેશે નહીં.

ચાર્જબૅક: વ્યવહાર હેઠળ કોઈપણ રિફંડ કે ચાર્જબૅકની વિનંતીઓ આ Google Pay શરતોમાં રિફંડ અને ચાર્જબૅક વિભાગ હેઠળ આપેલી પ્રક્રિયા જેવી જ પ્રક્રિયા ફૉલો કરશે.

UPI Lite એકાઉન્ટની સુરક્ષા:

1. તમારી Google Pay ઍપ અને UPI Lite વ્યવહારો સાથે સંકળાયેલી અન્ય વિગતોની ગોપનીયતા જાળવવા માટે તમે જવાબદાર છો તેમજ UPI Lite ચાલુ કરેલું હોય તેવા તમારા મોબાઇલ ફોન અંતર્ગત થતી તમામ ઍક્ટિવિટી માટે માત્ર તમે જ જવાબદાર છો.
2. UPI Liteનો ઉપયોગ કરીને તમારા Google Pay એકાઉન્ટમાંથી થતા કોઈપણ અનધિકૃત વ્યવહારો માટે તમે NPCI/Googleને જવાબદાર ઠેરવશો નહીં.
3. NPCI/Google Google Pay ઍપ પર તમારા UPI Lite એકાઉન્ટનું રક્ષણ કરવામાં તમારી નિષ્ફ્ળતાને કારણે ઉદ્દભવતા કોઈપણ નુકસાન કે ક્ષતિ બદલ અથવા UPI Liteની શરતોનું અન્યથા પાલન ન કરવા બદલ તમને કે અન્ય કોઈપણ વ્યક્તિને જવાબદાર રહેશે નહીં.

અહીં આપેલી UPI Liteની શરતોમાં કોઈ વિરોધાભાસી બાબત હોય તો પણ, NPCI/Google કોઈપણ સમયે માત્ર તેની વિવેકબુદ્ધિએ અને કોઈપણ આગોતરી નોટિસ વિના અથવા તમારા કે અન્ય કોઈ વ્યક્તિ પરત્વે જવાબદારી વિના તમારા માટે UPI Lite ચાલુ કરવાનું નકારવાનો, Google Pay ઍપ પર તમારા વપરાશકર્તા એકાઉન્ટનો ઍક્સેસ સસ્પેન્ડ કરવાનો કે સમાપ્ત કરવાનો અધિકાર આરક્ષિત રાખે છે.

14. UPI મારફતે RuPay ક્રેડિટ કાર્ડ

તમે Google Pay પર તમારું સેવિંગ બેંક એકાઉન્ટ લિંક કરો તે જ રીતે વેપારીઓને ચુકવણીઓ કરવાની વૈકલ્પિક પદ્ધતિ તરીકે Google Pay પર તમારું RuPay ક્રેડિટ કાર્ડ લિંક કરી શકો છો. તમારું RuPay ક્રેડિટ કાર્ડ લિંક કરવા માટે, તમે ચુકવણી પદ્ધતિઓના પેજ પર RuPay ક્રેડિટ કાર્ડ અને તમારું હાલનું ક્રેડિટ એકાઉન્ટ જેની સાથે છે તે સંબંધિત બેંક પસંદ કરો, ત્યારે તમારે UPI પિન (MPIN) બનાવવા માટે જારીકર્તા બેંક સાથે તમારા RuPay ક્રેડિટ કાર્ડના છેલ્લા 6 ડિજિટ, માન્યતાની વિગતો (MMYY ફૉર્મેટમાં) સહિત ચકાસવા જરૂરી બનશે. MPINનો ઉપયોગ, તમે વેપારીઓને ચુકવણી કરવા માટે Google Pay ઍપ પર ચુકવણીના પ્રકાર તરીકે તમારા ક્રેડિટ એકાઉન્ટને પસંદ કરો ત્યારે દર વખતે વ્યવહારોને અધિકૃત કરવા માટે થશે. એકવાર તમે તમારું RuPay ક્રેડિટ કાર્ડ Google Pay પર લિંક કરી લો એટલે, તમે UPI QR કોડ સ્કૅન કરીને અને તમારા MPIN વડે વ્યવહારોને અધિકૃત કરીને વેપારીઓને ચુકવણીઓ કરવા માટે તે ક્રેડિટ કાર્ડ પસંદ કરી શકો છો. સ્પષ્ટતા માટે, આ કાર્ય માત્ર એવું વેપારીઓને ચુકવણીઓ કરવા પૂરતું મર્યાદિત છે જે UPI પર RuPay ક્રેડિટ કાર્ડ મારફતે ચુકવણીઓ સ્વીકારતા હોય. વેપારી પાસે રોકડ ઉપાડવા, પીઅર ટુ પીઅર ચુકવણીઓ, P2PM, કાર્ડથી કાર્ડમાં થતી ચુકવણીઓ સંબંધિત વ્યવહારોને આ કાર્ય મારફતે પરવાનગી અપાશે નહીં.

વ્યવહારની મર્યાદા. આ પ્રક્રિયા મારફતે થતો વ્યવહાર UPIની સ્ટૅન્ડર્ડ વ્યવહારની મર્યાદાઓને ફૉલો કરશે જે લાગુ થતા કાયદા અનુસાર સમય સમય પર બદલાય તેમ બની શકે.

તકરારો. RuPay ક્રેડિટ કાર્ડનો ઉપયોગ કરીને ઉદ્દભવતી તમામ વિનંતીઓ નીચે આ શરતોના તકરારના વિભાગ અંતર્ગત આપેલી છે તેવી જ પ્રક્રિયા ફૉલો કરશે.

15. UPI Circle

તમે Google Pay પર UPI Circle (નીચે વ્યાખ્યાયિત) સુવિધાનો ઉપયોગ કરી શકો છો. UPI Circle ઍક્સેસ કરતા કે તેનો ઉપયોગ કરતા પહેલાં કૃપા કરીને UPI Circleની શરતો કાળજીપૂર્વક વાંચો. નીચે આપેલા શબ્દોનો અર્થ નીચે સ્થાપિત કર્યા મુજબ રહેશે, સિવાય કે સંદર્ભ અન્યથા સૂચવતો હોય.

"UPI Circle" એટલે એવી સુવિધા જેના થકી પ્રાથમિક વપરાશકર્તા ગૌણ વપરાશકર્તાને તેમનું UPI ID આવા પ્રાથમિક વપરાશકર્તા સાથે લિંક કરવા માટે તેમજ સંપૂર્ણ અધિકાર સોંપણી કે આંશિક અધિકાર સોંપણીના આધારે UPI ચુકવણીઓ/વ્યવહારો કરવા માટે અધિકૃત કરી શકે છે. સંપૂર્ણ અધિકાર સોંપણીના કિસ્સામાં પ્રાથમિક વપરાશકર્તા આવી ચુકવણીઓ/વ્યવહારો કરવા માટે ગૌણ વપરાશકર્તાને મહત્તમ મર્યાદા સોંપી શકે છે (એટલે કે, ઉપર જણાવેલી UPI ચુકવણીઓ/વ્યવહારો કરવા માટે પ્રાથમિક વપરાશકર્તાના નામના બેંક એકાઉન્ટમાંથી વાપરી શકાય તેટલી ભંડોળની મહત્તમ રકમ).

"સંપૂર્ણ અધિકાર સોંપણી" એટલે એવી પદ્ધતિ/મોડ જેનો ઉપયોગ કરીને પ્રાથમિક વપરાશકર્તા વ્યાખ્યાયિત મહત્તમ ખર્ચ મર્યાદા મુજબ UPI Circleના વ્યવહારો કરવા અને પૂરા કરવા માટે ગૌણ વપરાશકર્તાને અધિકૃત કરે.

"આંશિક અધિકાર સોંપણી" એટલે એવી પદ્ધતિ/મોડ જેનો ઉપયોગ કરીને પ્રાથમિક વપરાશકર્તા UPI Circle આધારિત વ્યવહાર કરવા અને પૂરા કરવા માટે ગૌણ વપરાશકર્તાને અધિકૃત કરે, જે પ્રાથમિક વપરાશકર્તા દ્વારા UPI પિન દાખલ કરીને જે-તે વ્યવહારને અધિકૃત કરવાને આધીન હોય છે.

"પ્રાથમિક વપરાશકર્તા" એટલે એવી વ્યક્તિ જે UPI આધારિત સેવાઓ/સુવિધાઓ મેળવવા માટે Google Pay ઍપનો ઉપયોગ કરે છે અને જે Google Pay ઍપમાં ઉપલબ્ધ UPIની સુવિધા UPI Circleનો ઉપયોગ કરીને ગૌણ વપરાશકર્તાને ચુકવણીઓ માટે અધિકાર સોંપણી કરે છે.

"ગૌણ વપરાશકર્તા" એટલે UPIના એવા વપરાશકર્તા જેને પ્રાથમિક વપરાશકર્તા દ્વારા UPI સાથે લિંક થયેલા પ્રાથમિક વપરાશકર્તાના બેંક એકાઉન્ટમાંથી UPI Circleના વ્યવહારો કરવા માટે અધિકૃત કરવામાં આવ્યા છે.

તમે સમજો છો, સંમત થાઓ છો, કન્ફર્મ કરો અને બાંહેધરી આપો છો કે:

1. પ્રાથમિક વપરાશકર્તા માટે:
   • ગૌણ વપરાશકર્તાના UPI IDને તમારા UPI ID સાથે લિંક કરતા અને UPI Circle અંતર્ગત UPI વ્યવહારો કરવા માટે તેમને અધિકૃત કરતા પહેલાં, સાચી વ્યક્તિને ગૌણ વપરાશકર્તા તરીકે અધિકૃતિ અપાઈ હોવાની ખાતરી કરી શકાય તે માટે, તેમના UPI ID અને મોબાઇલ નંબરની ચકાસણી અને તેને માન્ય કરવા માટે માત્ર તમે જવાબદાર રહેશો.
   • UPI Circle માટે ગૌણ વપરાશકર્તાને આપેલી અધિકૃતિમાં તમે ફેરફાર કરી શકો છો અથવા રદબાતલ કરી શકો છો.
   • UPI Circle અંતર્ગત ગૌણ વપરાશકર્તા દ્વારા થયેલા તમામ વ્યવહારોનો ઍક્સેસ અને તેની દૃશ્યતા તમને રહેશે.
   • તમે રજૂઆત કરો છો કે તમને ગૌણ વપરાશકર્તાની ઓળખની જાણકારી છે અને UPI Circleનો ઉપયોગ કરતી વખતે તે લાગુ થયા મુજબ ભારતના કાયદાનું પાલન કરશે.
   • UPI Circle અંતર્ગત તમે ઉમેરેલા/ અધિકૃત કરેલા ગૌણ વપરાશકર્તા દ્વારા થતા તમામ વ્યવહારો અને ક્રિયાઓ માટે માત્ર તમે જવાબદાર રહેશો. UPI Circleનો ઉપયોગ કરીને તમારા ગૌણ વપરાશકર્તા દ્વારા થતા કોઈપણ અનધિકૃત વ્યવહારો બદલ તમે NPCI કે Google Payને જવાબદાર ઠેરવશો નહીં. UPI Circleને લાગુ થતા કોઈપણ નિયમો અને શરતોના અનુપાલનમાં તમારા કે ગૌણ વપરાશકર્તાના કોઈ કૃત્ય કે ત્રુટિના પરિણામે ઉદ્ભવતા કોઈપણ નુકસાન, ક્ષતિ અને જવાબદારીઓ બદલ તમારા અથવા અન્ય કોઈ વ્યક્તિ દ્વારા NPCI કે Google Payને જવાબદાર ઠેરવવામાં આવશે નહીં.
   • સમય સમય પર સૂચવાયા હોય તેવા સમયગાળા માટે, UPI Circleનો ઉપયોગ કરીને Google Pay ઍપ મારફતે કોઈ વ્યવહારો કરવામાં ન આવે તો UPI Circleના વ્યવહારો કરવા માટે સંબંધિત ગૌણ વપરાશકર્તાની અધિકૃતિ સસ્પેન્ડ કે સમાપ્ત કરી દેવાય તેમ બને.
2. ગૌણ વપરાશકર્તા માટે:
   • UPI Circle અંતર્ગત પ્રાથમિક વપરાશકર્તાના UPI સાથે તમારું UPI ID લિંક કરવાની વિનંતી સ્વીકારીને, તમે આ સાથે તમારું નામ, ફોન નંબર, UPI ID અને વ્યવહારની વિગતો પ્રાથમિક વપરાશકર્તા તથા UPI Circleના વ્યવહારોમાં સંકળાયેલા અન્ય ત્રીજા પક્ષો સાથે શેર કરવા સંમત થાઓ છો.
   • તમે કોઈપણ સમયે પ્રાથમિક વપરાશકર્તા સાથેનું તમારું UPI ID લિંક કરવાનું રદ કરી શકો છો.
3. અન્ય શરતો:
   • સંપૂર્ણ અધિકાર સોંપણીમાં UPI Circle મારફતે વ્યવહારો કરવા માટે દર મહિને કોઈપણ સમયબિંદુએ ₹15000ની મહત્તમ મર્યાદાની મંજૂરી છે.
   • સંપૂર્ણ અધિકાર સોંપણીમાં UPI Circle મારફતે વ્યવહારો કરવા માટે વ્યવહાર દીઠ કોઈપણ સમયબિંદુએ ₹5000ની મહત્તમ મર્યાદાની મંજૂરી છે.
   • સંપૂર્ણ અધિકાર સોંપણી અંતર્ગત ગૌણ વપરાશકર્તાનું UPI ID પ્રાથમિક વપરાશકર્તાના UPI ID સાથે મહત્તમ 5 વર્ષ અને લઘુતમ 1 મહિનાના ગાળા માટે લિંક કરી શકાય.
   • અધિકૃતિ અને ગૌણ વપરાશકર્તાનું UPI ID પ્રાથમિક વપરાશકર્તા સાથે લિંક કરવાનું સફળતાપૂર્વક થઈ ગયા બાદ, 30 મિનિટનો કૂલિંગ સમયગાળો રહેશે જે દરમિયાન કોઈપણ વ્યવહાર કરવાની મંજૂરી અપાશે નહીં.
   • અહીં આપેલી UPI Circleની શરતોમાં કોઈ વિરોધાભાસી બાબત હોય તો પણ, Google Pay કોઈપણ સમયે માત્ર તેની વિવેકબુદ્ધિએ અને તમને કોઈપણ આગોતરી નોટિસ વિના, UPI Circleની સેવાઓનો તમારો ઍક્સેસ સસ્પેન્ડ કે સમાપ્ત કરી શકે છે અથવા તમારો ઍપનો પાસવર્ડ કે UPI પિન બદલવાનું તમારા માટે જરૂરી બનાવી શકે છે.

16. ગોલ્ડ એકાઉન્ટ

ગોલ્ડ રાખવા કે ખરીદવા પરની મર્યાદાઓ. તમારા GAP એકાઉન્ટમાં રહેલા ગોલ્ડની રકમ પર અથવા તમારા ગોલ્ડ એકાઉન્ટમાં ગોલ્ડ એકઠું કરવા માટે તમે GPay પર વ્યવહાર કરી શકો તે રકમ પર Google મર્યાદાઓ લાગુ કરી શકે છે.

GAP એકાઉન્ટનું સસ્પેન્શન અને સમાપ્તિ. Google, અમારી એકમાત્ર અને અબાધિત વિવેકબુદ્ધિએ, નોટિસ વિના અને તમારા કે કોઈપણ ત્રીજા પક્ષ પરત્વેની જવાબદારી વિના, ખોટી KYC વિગતો સબમિટ કરવા, કપટ, આ સંયુક્ત Google Pay શરતો કે સમય સમય પર અમે સ્થાપિત કરી શકીએ તેવી અન્ય પૉલિસીઓનું ઉલ્લંઘન કરવા સહિતના કોઈપણ કારણસર, (a) તમારા ગોલ્ડ એકાઉન્ટનો ઍક્સેસ સસ્પેન્ડ કરવાનો; અથવા (b) તમારું GAP એકાઉન્ટ સમાપ્ત કરવાની MMTCને વિનંતી કરવાનો અધિકાર આરક્ષિત રાખે છે. આવા સંજોગમાં, Google તમારું બેંક એકાઉન્ટ ક્રેડિટ કરવા અને MMTC પાસે તમારા ગોલ્ડની પરત ખરીદી કરાવવા સહિતનું તેને જરૂરી લાગે તેવું પગલું લઈ શકે છે.

હોસ્ટિંગની માહિતી. સામાન્ય માહિતીના ઉદ્દેશથી ગોલ્ડ સંબંધે MMTC દ્વારા પ્રદાન કરાય અને અપડેટ કરાય તે મુજબ, સમય સમય પર, Google આવી માહિતી Google Pay પર બતાવશે. MMTC દ્વારા પ્રદાન કરાતી આવી માહિતીની સચોટતા માટે Google જવાબદાર કે ઉત્તરદાયી રહેશે નહીં.

ચુકવણીનો વ્યવહાર. ગોલ્ડ એકાઉન્ટ પર થતા ચુકવણીના તમામ વ્યવહારો સંયુક્ત Google Pay શરતોને આધીન રહેશે. શંકા ટાળવા માટે, Google Pay પરના તમારા Google એકાઉન્ટ સાથે GAPનું ટેક્નોલોજી એકીકરણ Google પ્રદાન કરશે. જોકે, તમામ ગોલ્ડ વ્યવહારો માત્ર તમારી અને MMTC વચ્ચે થાય છે. કોઈપણ ગોલ્ડ વ્યવહારમાંથી ઉદ્દભવતા કે તેના સંદર્ભે થતા કોઈપણ નુકસાન માટે Google ઉત્તરદાયી કે જવાબદાર રહેશે નહીં.

માહિતી સ્ટોર કરવી. Google Pay પર ગોલ્ડ એકાઉન્ટ ખોલીને, તમે Google Payને ગોલ્ડ વ્યવહારની માહિતી અને તમારા ગોલ્ડ એકાઉન્ટ સંબંધિત અન્ય માહિતી નિરંતર આધારે ઍક્સેસ, તેનો ઉપયોગ અને સ્ટોર કરવા સ્પષ્ટ રીતે અધિકૃત કરો છો, જે પાછળનો ઉદ્દેશ તમને Google Pay પર સેવાઓ આપવાનો છે.

17. કમ્યુનિકેશન સેવાઓ

તમે Google Pay મારફતે મેસેજ મોકલી શકો છો. અન્ય સેવા પ્રદાતાઓ, વપરાશકર્તાઓ, વેપારીઓ કે બિલર સાથે તમે Google Pay મારફતે કરેલા કોઈપણ કમ્યુનિકેશન માટે તમે જવાબદાર છો. તમને અને અન્ય સેવા પ્રદાતાઓ, વપરાશકર્તાઓ, વેપારીઓ કે બિલરને એકબીજા સાથે કમ્યુનિકેટ કરવા માટે Google માત્ર પ્લૅટફૉર્મ પ્રદાન કરે છે (કમ્યુનિકેશન પ્લૅટફૉર્મ) અને પક્ષકારો વચ્ચેની કોઈપણ વાતચીત માટે તે જવાબદાર નથી. તમારે ખાતરી કરવી જોઈએ કે કોઈ ગેરકાયદેસર, કાયદા અનુસાર ન હોય તેવું કે અનધિકૃત કમ્યુનિકેશન Google Pay મારફતે ન થાય. કમ્યુનિકેશનનું કન્ટેન્ટ આ સંયુક્ત Google Pay શરતોનું અને ખાસ કરીને Google Pay પૉલિસીઓનું પાલન કરે તે જરૂરી છે. તમે કમ્યુનિકેશન પ્લૅટફૉર્મ મારફતે સીધી વપરાશકર્તાઓને કોઈ ઑફરો, પ્રમોશન કે જાહેરાતો ન આપવા બાબતે સંમત થાઓ છો. Google Pay પૉલિસીઓ અથવા આ સંયુક્ત Google Pay શરતોના અનુપાલનમાં ન હોય તેવું કોઈ કમ્યુનિકેશન થાય તો Google Pay સેવાઓ સંપૂર્ણપણે કે તેના કોઈ હિસ્સાને સસ્પેન્ડ કે સમાપ્ત કરવાનો અધિકાર Google આરક્ષિત રાખે છે. વિભાગ 21માં રેખાંકિત ઉદ્દેશો માટે તમારા Google Pay કમ્યુનિકેશનને ઑટોમૅટિક માધ્યમો મારફતે એકત્ર, સ્ટોર, તેનો ઉપયોગ, ઍક્સેસ કરવાનો અધિકાર Google આરક્ષિત રાખે છે.

18. ઑફરો

Google Pay ઑફરો. Google Pay ઑફરોમાં તમારી સહભાગિતા Google Pay ઑફરોની સામાન્ય શરતોને આધીન છે. તે અંતર્ગત રેફરલ ઑફરો કે બોનસ ક્વેસ્ટ Google Pay પર ચાલતી હોવાથી, Google દ્વારા કમ્યુનિકેટ કર્યા મુજબ રેફરલ આપનાર અને રેફર કરવામાં આવતી વ્યક્તિ એમ બંને રિવૉર્ડની યોગ્યતા ધરાવશે. Google દ્વારા કમ્યુનિકેટ કર્યા મુજબ, રેફરલ આપનારને તેમની રેફર કરવામાં આવતી વ્યક્તિ યોગ્યતા ધરાવતા વ્યવહારો પૂરા કરશે તેના આધારે રિવૉર્ડ મળશે. તમે સમજો છો કે તમને કોઈ હાલના Google Pay વપરાશકર્તા/રેફરલ આપનાર દ્વારા રેફર કરવામાં આવ્યા હોય અને તમે Google Payનો ઉપયોગ કરીને રેફરલ ઑફર/બોનસ ક્વેસ્ટમાં ભાગ લેવાનું પસંદ કરો, તો રેફરલ ઑફર/બોનસ ક્વેસ્ટના યોગ્યતા ધરાવતા વ્યવહારોની પૂર્ણતા અને પ્રગતિનું સ્ટેટસ રેફરલ આપનાર સાથે એ ખાતરી રાખીને શેર કરવામાં આવશે કે રિવૉર્ડ મેળવવા તરફની પ્રગતિ રેફરલ આપનાર સાથે શેર કરી શકાય જેથી પારદર્શિતાની ખાતરી રહે. આ ઉપરાંત તમે સમજો છો કે રેફરલ ઑફરો +91 દેશના કોડથી શરૂ થતા ભારતીય મોબાઇલ નંબર ધરાવતા વપરાશકર્તાઓ માટે જ માન્ય છે.

વેપારી/બિલરની ઑફરો. Google Pay પર વેપારીઓ અથવા બિલર દ્વારા તમને અપાતી ઑફરો તમારી અને વેપારી અથવા બિલર વચ્ચે છે, આવી ઑફરોના કન્ટેન્ટ માટે કે આ ઑફરો પૂર્ણ કરવા માટે Google જવાબદાર નથી.

19. રિફંડ, ચાર્જબૅક અને તકરારો

રિફંડ અને ચાર્જબૅક. આ સંયુક્ત Google Pay શરતોમાં સ્થાપિત કર્યું હોય તે સિવાય, Google Pay સેવાઓ મારફતે પ્રક્રિયા થયેલા તમામ વ્યવહારો એવા હોય છે જે Google Pay દ્વારા મોકલનારને રિફંડ નથી કરી શકાતા અને Google Pay સેવાઓ મારફતે મોકલનાર દ્વારા રિવર્સ નથી કરી શકાતા. તમારા ચુકવણી ઇન્સ્ટ્રુમેન્ટ રજૂકર્તા કરાર અંતર્ગત અથવા લાગુ થતા નિયમનો અંતર્ગત તમને વધારાના રિફંડ કે ચાર્જબૅક અધિકારો મળે તેમ બની શકે. તમારા ચુકવણીના ઇન્સ્ટ્રુમેન્ટના રજૂકર્તા તરફથી તમને મળતા નિવેદનો તમારે રિવ્યૂ કરવા જોઈએ, જેમાં Google Pay સેવાઓ મારફતે થયેલા તમામ વ્યવહારો દેખાતા હોવા જોઈએ.

મોકલનારના ચુકવણીના ઇન્સ્ટ્રુમેન્ટના રજૂકર્તા કોઈ વ્યવહાર માટે ચાર્જબૅકની વિનંતી કરે તેવા સંજોગમાં, Google વ્યવહારની રકમ રિવર્સ કરવાનો અધિકાર આરક્ષિત રાખે છે. આ ઉપરાંત Google પ્રાપ્તકર્તાને ટ્રાન્સફર કરવાની પછીની ચુકવણીઓમાંથી ચાર્જબૅકની રકમ વાળી લેવાનો અધિકાર જાળવી રાખે છે.

તકરારો. તમે સમજો છો કે ચુકવણીનો વ્યવહાર માત્ર મોકલનાર અને પ્રાપ્તકર્તા વચ્ચે છે અને Google કોઈપણ વપરાશકર્તા, બિલર, વેપારી, ત્રીજા પક્ષ સંબંધે કે આવા વપરાશકર્તા, બિલર, વેપારી, ત્રીજા પક્ષ દ્વારા અપાયેલી કોઈપણ સેવા, સામાન કે ડિલિવરી સ્તરની પ્રતિબદ્ધતા સબંધે કોઈ ગૅરંટી કે વૉરંટી આપતું નથી. Google Pay સેવાઓનો ઉપયોગ, કોઈપણ વપરાશકર્તા, બિલર, વેપારી કે ત્રીજા પક્ષ પરત્વેના Googleના કોઈ સમર્થનને કોઈ પણ રીતે પ્રસ્તુત કરતો નથી. તમારે ખાતરી કરવી જોઈએ કે Google Pay સેવાઓનો ઉપયોગ કરતી કોઈપણ વ્યક્તિને ચુકવણીઓ ટ્રાન્સફર કરતા પહેલાં તમે પૂરતી યોગ્ય કાળજી લીધી છે. કોઈપણ તકરાર મોકનાર અને પ્રાપ્તકર્તા વચ્ચે રહે છે જેમાં Google અને/અથવા ચુકવણીઓની સિસ્ટમના પ્રદાતાઓને આવી તકરારોના પક્ષકાર બનાવાતા નથી. જોકે, UPI ચુકવણી વ્યવહારો સંબંધે, વપરાશકર્તાઓ માટે ફરિયાદ નિરાકરણની સુવિધા કરી આપવા અમે જવાબદાર છીએ. વપરાશકર્તાઓ માટે તમામ UPI ચુકવણી વ્યવહાર સંબંધિત ફરિયાદો બાબતે અમે સંપર્ક માટેની પ્રથમ વ્યક્તિ રહીશું. કોઈ ફરિયાદનું નિરાકરણ ન આવે તો ઍસ્કલેશનનું પછીનું લેવલ PSP હશે, તે પછી ગ્રાહકની બેંક અને અંતે NPCI હશે. આ વિકલ્પો અપનાવ્યા પછી, જે કેસ હોય તે મુજબ, તમે બેંકિંગ લોકપાલ અને અથવા ડિજિટલ ફરિયાદોના લોકપાલનો સંપર્ક કરી શકો છો.

આ ઉપરાંત, તમે ભંડોળ પર પ્રક્રિયા કરવા અને/અથવા તેની પતાવટ માટે Google Pay સેવાઓનો ઉપયોગ ન કરતા હોય તેવા કોઈ વેપારી કે ત્રીજા પક્ષને ચુકવણીઓ મોકલવા માટે Google Pay મારફતે બનાવેલી તમારી BHIM UPI અથવા ક્રેડિટ કાર્ડની લૉગ ઇન વિગતનો ઉપયોગ કરવાનું પસંદ કરો, તો Googleનો રોલ ચુકવણીની સૂચના ચુકવણીઓની સિસ્ટમના પ્રદાતાને આપવા પૂરતો મર્યાદિત રહેશે. Google વ્યવહારની પ્રક્રિયા કે પતાવટ માટે કે પછી સેવાની પૂર્તિ માટે જવાબદાર રહેશે નહીં, જોકે અમુક સંજોગોમાં Google પ્રાપ્તકર્તા વતી ભંડોળ સ્વીકારવાના મર્યાદિત ઉદ્દેશથી પ્રાપ્તકર્તા માટે ચુકવણી એકત્રીકરણ એજન્ટ તરીકે કામ કરે તેમ બને. તમે સાચી માહિતી આપી હોય અથવા તમે સાચા પ્રાપ્તકર્તા પસંદ કર્યા હોય તેની ખાતરી કરવાની જવાબદારી તમારી છે.

મોકલનારાઓ અને પ્રાપ્તકર્તાઓ વચ્ચેની અથવા મોકલનાર/પ્રાપ્તકર્તા અને ચુકવણી સહભાગીઓ વચ્ચેની તકરારોમાં મધ્યસ્થતા કરવાની Googleની જવાબદારી નથી. જોકે, Google કોઈ તકરાર સંબંધે એકબીજા સાથે કમ્યુનિકેટ કરવામાં અથવા લાગુ થતા કાયદા કે ચુકવણી સહભાગીના નિયમો અંતર્ગત જરૂરી હોય તો વપરાશકર્તાની ફરિયાદ જે-તે ચુકવણી સહભાગીને મોકલવામાં વપરાશકર્તાઓની સહાયતા કરશે. Google Pay સેવાઓ અંગેની કોઈપણ ફરિયાદના સંજોગમાં, કૃપા કરીને Googleનો સંપર્ક કરો અને અમે શક્ય હશે ત્યાં, તેનું નિરાકરણ લાવવા માટે અમે તમારી સાથે મળીને કામ કરીશું.

જતું કરવું અને મુક્ત કરવું. તમે Google અને Group કંપનીઓ તેમજ તેમના એજન્ટ, કોન્ટ્રાક્ટર, અધિકારીઓ અને કર્મચારીઓને કોઈ તકરારમાંથી ઉદ્દભવતા અથવા તેની સાથે કોઈપણ રીતે સંકળાયેલા તમામ દાવા, માગ અને ક્ષતિઓ (વાસ્તવિક અથવા પરિણામિક)માંથી મુક્ત કરો છો. તમે સંમત થાઓ છો કે Google Pay સેવાના સંબંધમાં કોઈ પ્રાપ્તકર્તા, મોકલનાર, જાહેરાતકર્તા કે અન્ય ત્રીજા પક્ષ સાથેના કોઈપણ વ્યવહાર, કરાર કે ગોઠવણમાંથી ઉદ્દભવતા અથવા તેને સંબંધિત કોઈપણ દાવા કે અન્ય તકરારમાં તમે Googleને શામેલ કરશો નહીં. તમે આમ કરવાનો પ્રયાસ કરશો, તો (i) Google અને Group કંપનીઓને થતા તમામ ખર્ચ અને એટર્નીની ફી તમે ચુકવશો તેમજ નીચે સ્થાપિત કર્યા મુજબ નુકસાન ભરપાઈ કરી આપશો અને (ii) આવા કોઈપણ દાવા કે તકરાર માટેનું અધિકાર ક્ષેત્ર નીચે સ્થાપિત કર્યા મુજબ મર્યાદિત રહેશે. જોકે, આ સંયુક્ત Google Pay શરતોની કોઈપણ બાબતને લીધે જે-તે ચુકવણી સહભાગીઓના નિયમો કે લાગુ થતા કાયદા અંતર્ગત હોઈ શકે તેવા તમારા કોઈપણ અધિકારો, દાવા કે પ્રતિવાદ જતા કરવામાં આવશે નહીં.

20. કપટ કે અનધિકૃત ઉપયોગ

Google Pay પર તમારા Google એકાઉન્ટ મારફતે થતા તમામ વ્યવહારો કે અપાયેલી સૂચનાઓ તમને અપાઈ હોવાનું માનવામાં આવશે. Google Pay પર તમારા Google એકાઉન્ટ મારફતે તમારી વ્યક્તિગત કે નાણાકીય માહિતીના થતા કોઈપણ અનધિકૃત ઍક્સેસ માટે માત્ર તમે જવાબદાર રહેશો. Google Pay પર તમારા Google એકાઉન્ટનો કોઈપણ અનધિકૃત ઉપયોગ થતો અટકાવવામાં સહાય કરવા માટે, તમારે Google દ્વારા સુઝાવ આપેલા સુરક્ષાના ઉપાયોનું પાલન કરવું જોઈએ. તમે માનતા હો, કે Google Pay પર તમારા Google એકાઉન્ટને અનધિકૃત રીતે ઍક્સેસ કે તેનો ઉપયોગ કરવામાં આવ્યો છે, તો કૃપા કરીને તરત જ ગ્રાહક સેવાનો સંપર્ક કરો.

21. જોખમ મૉનિટર કરવું: અસામાન્ય અથવા શંકાસ્પદ વ્યવહારો

ઉચ્ચ જોખમ ધરાવતી પ્રથાઓ કે કપટપૂર્ણ વ્યવહારો માટે અમે તમારા વ્યવહારો મૉનિટર કરીએ તેમ બને. આ પ્રયાસો અને Google Pay સેવાઓના અન્ય એલિમેન્ટમાં સહાયતા માટે અમે ત્રીજા પક્ષના પ્રદાતાઓ કે અન્ય સેવા પ્રદાતાઓને પણ શામેલ કરીએ તમે બને. Google Pay પર તમારા Google એકાઉન્ટ મારફતે શંકાસ્પદ કે અસામાન્ય ઍક્ટિવિટી થતી હોવાનું માનવા માટે અમારી પાસે કારણ હોય, તો Google Pay સેવાઓનો તમારો ઍક્સેસ અમે હંગામી કે કાયમી રીતે સસ્પેન્ડ કરીએ તેમ બની શકે.

અમે અને/અથવા ચુકવણી સહભાગીઓ ચુકવણીઓના કોઈ વ્યવહાર અને/અથવા પતાવટને વિવિધ કારણોસર નકારીએ તેમ બને, જેમાં જોખમ મેનેજમેન્ટ, કપટપૂર્ણ, ગેરકાનૂની કે શંકાસ્પદ વ્યવહારોની શંકા, પ્રતિબંધિત આઇટમનું વેચાણ, ચેડાં કરેલા અથવા બ્લેકલિસ્ટમાં મૂકેલા કાર્ડ કે BHIM UPI એકાઉન્ટ, Google Pay પરના Google એકાઉન્ટનો ઉપયોગ, ચાર્જબૅક/ફરિયાદો કે ચુકવણી સહભાગીના નિયમોમાં આપ્યા મુજબના અન્ય કારણો શામેલ છે પણ આટલા પૂરતું જ મર્યાદિત નથી. કોઈ વ્યવહાર નકારાય કે તે પૂરો કરી શકાતો ન હોય, તો અમે ભંડોળને મોકલનારના ફંડિંગ એકાઉન્ટમાં પરત ટ્રાન્સફર કરીશું અથવા લાગુ થતા કાયદા કે ચુકવણી સહભાગીઓના નિયમો અનુસાર ભંડોળની વ્યવસ્થા કરીશું.

આ ઉપરાંત, Google Pay પર Google એકાઉન્ટમાં અમે કાનૂની કે સરકારી સત્તા દ્વારા જરૂરી હોઈ શકે અથવા જે-તે ચુકવણી સહભાગી દ્વારા અપાયેલા અધિકૃત આદેશ અનુસારનું હોય એવું કોઈપણ પગલું લઈ શકીએ.

22. પ્રાઇવસી અને કમ્યુનિકેશન

પ્રાઇવસી. સંયુક્ત Google Pay શરતોની અન્ય કલમો ઉપરાંત, તમે સંમત થાઓ છો અને સ્પષ્ટ રીતે સંમતિ આપો છો કે, અમે લાગુ થતા કાયદા અને તમારા વ્યક્તિગત ડેટા બાબતે અમારો કેવો વ્યવહાર છે તેમજ Google Payનો ઉપયોગ કરતી વખતે અમે કેવી રીતે તમારી પ્રાઇવસીનું રક્ષણ કરીએ છીએ તે સમજાવતી અમારી પ્રાઇવસી પૉલિસી અનુસાર, તમારા વ્યક્તિગત ડેટા અને Google Pay મારફતે થતા કોઈપણ કમ્યુનિકેશનને એકત્ર, સ્ટોર અને તેનો ઉપયોગ કરી શકીએ. અમારી પ્રાઇવસી પૉલિસી ઉપરાંત, નીચેનો ફકરો UPI વ્યવહારના ડેટા અને લોન અરજીના ડેટાના ઉપયોગ બાબતે વિગતો આપે છે.

UPI વ્યવહારનો ડેટા:

Google UPI વ્યવહારના ડેટા સહિતની તમારી ચુકવણીઓ સંબંધિત માહિતી વેપારીઓ, બેંક, ત્રીજા પક્ષના પ્રદાતાઓ અને સેવા પ્રદાતાઓને ઑપરેશન, ચુકવણી પ્રક્રિયાની પતાવટ તથા Google Pay સેવાઓ પ્રમોટ કરવાના ઉદ્દેશથી જરૂરી હોય તે મુજબ શેર કરે તેમ બની શકે.

તમારા UPI વ્યવહારના ડેટાનો ઉપયોગ, Google (અન્ય શબ્દોમાં Google India Digital Services Private Limited) સિવાયના અન્ય કોઈ એકમ દ્વારા, કમાણી કરવાના કોઈ ઉદ્દેશ માટે (ઉદા. જાહેરાતો માટે) નહીં થાય.

તમે પ્રાપ્તકર્તા હો, તો તમે સંમત થાઓ છો અને સ્પષ્ટ રીતે સંમતિ આપો છો કે Google બેંક એકાઉન્ટ નંબર સહિતની તમારી માહિતી તમને ચુકવણીઓ મોકલવા માટે Google Pay પર સ્ટોર કરી શકે.

તમે સંમત થાઓ છો અને સ્પષ્ટ રીતે સંમતિ આપો છો કે Google ઑટોમૅટિક માધ્યમો મારફતે તમારી Google Payની નૅવિગેશનલ, લૉગ અને પત્રવ્યવહાર સંબંધિત માહિતી/ડેટા ઍક્સેસ કરી શકે. આ માહિતી/ડેટા અમારી Google Pay સેવાઓનો ઉપયોગ જેમાંથી/જે માટે થાય છે તે વેપારીઓ, બજારો, ટેક્નોલોજી, ઑપરેટિંગ સિસ્ટમ, બ્રાઉઝર, ડિવાઇસ, લોકેશનનું વિશ્લેષણ કરવામાં અમારી સહાય કરશે. ઉદાહરણ તરીકે, આવી માહિતી અને તેનું વિશ્લેષણ તમારી જરૂરિયાતો વધુ સારી રીતે સમજવામાં અને તમને સેવાઓની વધુ વ્યાપક રેંજ પ્રદાન કરવામાં અથવા ચોક્કસ ઑપરેટિંગ સિસ્ટમ અને મોબાઇલ ઍપ્લિકેશન વર્ઝન, વગેરે માટે અપડેટ વિકસાવવામાં અમારી સહાય કરશે. એકત્ર કરેલી માહિતી તમને જેમાં રુચિ હોવાનું અમને લાગતું હોય તેવી વેપારીઓ અથવા બિલર દ્વારા અપાતી ઑફરો સહિત, તમને અન્ય પ્રોડક્ટ, પ્રોગ્રામ કે સેવાઓ ઑફર કરવામાં અથવા સૉફ્ટવેર સુસંગતતાની સમસ્યાઓ હોય તો તમને અલર્ટ કરવામાં પણ અમારી સહાય કરે છે.

તમે સંમત થાઓ છો અને સ્પષ્ટ રીતે સંમતિ આપો છો કે Google અથવા Group કંપનીઓ દ્વારા અપાતી વધારાની સેવાઓ તમને આપવા માટે Google ઑટોમૅટિક માધ્યમો મારફતે તમારા મોબાઇલ ડિવાઇસ/મોબાઇલ નંબર પરના તમારા મેસેજ ઍક્સેસ કરી શકે અને તમારા મેસેજમાંથી માહિતી મેળવી/તેનો ઉપયોગ કરી શકે. ઉદાહરણ તરીકે: OTP એક-વખત વપરાશનો પાસવર્ડ છે જે તમારી જારીકર્તા બેંક દ્વારા દ્વિતીય-ફેક્ટર પ્રમાણીકરણ હાથ ધરવા માટે આપવામાં આવે છે. તમારા મેસેજ ઍક્સેસ કરવાની તમે અમને મંજૂરી આપો, તો તમે સમજો છો કે અમે તમારા મોબાઇલ ડિવાઇસ/નંબર પર પ્રાપ્ત થયેલા મેસેજમાંથી OTP મેળવી દ્વિતીય-ફેક્ટર પ્રમાણીકરણ માટે OTP ઑટોમૅટિક રીતે ભરીને સબમિટ કરી શકીએ.

તમે રજૂઆત કરો છો કે તમે ત્રીજા પક્ષ કે પ્રાપ્તકર્તાઓ પાસેથી તમામ જરૂરી આગોતરી સંમતિઓ અને જતું કરવાની મંજૂરીઓ લઈ લીધી છે તેમજ આવા ત્રીજા પક્ષ કે પ્રાપ્તકર્તાઓને આ ફકરામાં વર્ણવેલી ક્રિયાઓ હાથ ધરવા માટે Google, Group કંપનીઓ તથા ચુકવણી સહભાગીઓને પરવાનગી આપવાની નોટિસ આપી છે. તમે વધુમાં વૉરંટી આપો છો કે તમે ભવિષ્યમાં Googleને આવી સમાન માહિતી આપવા અગાઉથી આવી નોટિસ આપી દેશો અને જરૂરી સંમતિઓ તથા જતું કરવાની મંજૂરીઓ મેળવી લેશો.

તમે Google Pay અથવા તમારા Google એકાઉન્ટમાંથી કોઈપણ માહિતી કે ડેટા ડિલીટ કે વાઇપ કરવાનું પસંદ કરો અથવા તમે કે Google તમારા Google એકાઉન્ટ કે Google Pay સેવાઓનો ઉપયોગ સમાપ્ત કરવાનું પસંદ કરો, તો તમે સમજો છો કે આમ છતાં અમે Google પ્રાઇવસી પૉલિસીમાં વિગતે આપેલા કારણોસર આવી માહિતી/ડેટા જાળવી રાખી, તેનો ઉપયોગ કરી અને/અથવા તેની સ્પષ્ટતા કરી શકીએ.

અમે Google Payનો ઉપયોગ કરતી વખતે કેવી રીતે તમારા વ્યક્તિગત ડેટાને હાથ ધરીએ છીએ અને તમારી પ્રાઇવસીનું રક્ષણ કરીએ છીએ તે Google પ્રાઇવસી પૉલિસી  સમજાવે છે.

Google તરફથી અથવા તેની સાથેના કમ્યુનિકેશન. તમે Google તરફથી અથવા તેની સાથેના કમ્યુનિકેશન માટે તમારી માહિતી એકત્ર કરવા, સ્ટોર કરવા અને તેનો ઉપયોગ કરવા સંમત થાઓ છો અને સ્પષ્ટ રીતે સંમતિ આપો છો. તમે સંમત થાઓ છો અને સ્પષ્ટ રીતે સંમતિ આપો છો કે અમે અમારી રીતે અથવા ત્રીજા પક્ષો મારફતે નીચેની બાબતો માટે તમને ઇમેઇલ, SMS મોકલી શકીએ અથવા અન્ય માધ્યમો મારફતે તમારી સાથે કમ્યુનિકેટ કરી શકીએ:

(i) તમને Google Pay સેવાઓ અને વ્યવહારને લગતી કે એકાઉન્ટ સંબંધિત માહિતી આપવી;

(ii) તમને ચુકવણી સંબંધિત રિમાઇન્ડર/અપડેટ મોકલવા;

(iii) Google Pay સેવાઓ અથવા અન્ય Googleની સેવાઓ પ્રમોટ કરવી;

(iv) Group કંપનીઓની સેવાઓ અથવા અમારા ત્રીજા પક્ષના પ્રદાતાઓની સેવાઓ, આ એકમો દ્વારા અપાતી હોય તેવી કોઈપણ ઑફરો અથવા યોજનાઓ અથવા ઇનામો સહિત, પ્રમોટ કરવી. આ પ્રમોશનમાં તમારા UPI વ્યવહારના ડેટાનો ઉપયોગ થશે નહીં;

(v) નવી પ્રોડક્ટ અને ઍક્ટિવિટી પ્રમોટ કરવી;

(vi) ફરિયાદો સહિત કોઈપણ પ્રોડક્ટ કે Google Pay સેવા સંબંધિત સમસ્યાઓની તપાસ કરવી અથવા તેનું નિરાકરણ કરવું; અથવા

(vii) તમારો અમૂલ્ય પ્રતિસાદ મેળવવો.

તમને બહેતર સેવા આપવા માટે અમે તમને નીચેની બાબતો સમજવા સર્વેક્ષણો મોકલી શકીએ: (i) અમારી સેવાઓ બાબતે તમારો અનુભવ અને/અથવા (ii) તમારી જરૂરિયાતો અને આવશ્યકતાઓ.

Google Pay સેવાઓ વિશે કૉમેન્ટ કે આઇડિયા સબમિટ કરવાનું તમે પસંદ કરી શકો અથવા આ માટે અમે તમને આમંત્રિત કરી શકીએ, જેમાં કોઈ મર્યાદા વગર સેવા અથવા અમારી પ્રોડક્ટ બહેતર બનાવવાની રીત વિશે કૉમેન્ટ અને આઇડિયાનો સમાવેશ થાય છે. કોઈપણ આઇડિયા સબમિટ કરીને તમે સંમત થાઓ છો કે તમારી સ્પષ્ટતા પાછળ કોઈ હેતુ નથી, તે અનપેક્ષિત છે અને તેના પર કોઈ પ્રતિબંધ નથી અને તે અમને કોઈ વિશ્વાસ આધારિત કે અન્ય ફરજ હેઠળ મૂકશે નહીં તેમજ તમને કોઈપણ વધારાનું વળતર આપ્યા વિના આઇડિયાનો ઉપયોગ કરવા અને/અથવા બિન-ગોપનીય આધારે કે અન્યથા કોઈને પણ આઇડિયા સ્પષ્ટ કરવા અમે મુક્ત છીએ.

લોન અરજીનો ડેટા:

તમે જ્યારે Google Pay પર લોન માટે અરજી કરો છો ત્યારે Google Pay નીચેની વ્યક્તિગત માહિતી એકત્ર કરે તેમ બને

• વ્યક્તિગત વિગતો: આખું નામ, જન્મ તારીખ, લિંગ, ઇમેઇલ, મોબાઇલ, PAN, વૈવાહિક સ્ટેટસ, પિતા અને માતાનું નામ, હાલનું અને કાયમી સરનામું, બેંક એકાઉન્ટ નંબર, બેંક IFSC નંબર.

• રોજગાર અને આવકની વિગતો: રોજગાર/ વ્યવસાયનો પ્રકાર, નિયોક્તા/ કંપનીનું નામ, ઉદ્યોગ, નોંધણીનો પ્રકાર, વ્યક્તિગત અને પરિવારની આવક, ઑફિસનું સરનામું.

ધિરાણ આપતા ત્રીજા પક્ષો દ્વારા થતા ઑન-બોર્ડિંગ/ KYCના ઉદ્દેશો માટે જરૂરી, તમારા મોબાઇલ ફોનના કૅમેરા, માઇક્રોફોન, લોકેશન કે અન્ય કોઈપણ સુવિધા જેવી અમુક સુવિધાઓનો એક વખતનો ઍક્સેસ Google Pay મેળવે તેમ બની શકે. Google Pay કોઈ બાયોમેટ્રિક ડેટા એકત્ર કે સ્ટોર કરતું નથી.

Google Pay નીચેના ઉદ્દેશો માટે વ્યક્તિગત લોન અરજીના ભાગ તરીકે એકત્ર કરેલા તમારા વ્યક્તિગત ડેટાનો ઉપયોગ કરે છે: a) તમારી ક્રેડિટ માહિતી પર માહિતી મોકલીને લોન સુવિધા સેવા માટેની તમારી અરજીને સવલત કરી આપવામાં સહાય માટે, b) લોન સુવિધા સેવાના વિશ્લેષણોના ઉદ્દેશથી, c) કોઈપણ ફરિયાદો/ દાવા/ તકરારો લેવા અથવા તેમની તપાસ કરવા d) સમય સમય પર પ્રોડક્ટ અને સેવાઓ મૉનિટર તથા રિવ્યૂ કરવા, e) નાણાકીય/ નિયમનકારી/ મેનેજમેન્ટ રિપોર્ટિંગ હાથ ધરવા તેમજ વિવિધ જોખમ મેનેજમેન્ટ મૉડલ બનાવવા તથા જાળવવા અને f) ઑડિટ હાથ ધરવા અને રોકોર્ડ રાખવાના ઉદ્દેશો માટે.

લોન અરજીનો ડેટા કેવી રીતે શેર કરવામાં આવે છે?

Google Pay તમારી સ્પષ્ટ સંમતિ મેળવ્યા પછી, તમારી લોન અરજીની પ્રક્રિયા માટે ધિરાણ આપતા ત્રીજા પક્ષો સાથે તમારો વ્યક્તિગત ડેટા શેર કરે છે. એકવાર શેર કરાય, એટલે ધિરાણ આપનાર પાસે રહેલા આ ડેટા પર પણ જેને લોનની અરજી કરી હોય તે ધિરાણ આપનારની પ્રાઇવસી પૉલિસી અનુસાર પ્રક્રિયા થશે. Google Pay ધિરાણ આપનારા કોઈપણ પાર્ટનરને નિરંતર ધોરણે તમારો વ્યક્તિગત ડેટા શેર કરતું નથી. શેર કરાતા તમામ ડેટાનો પ્રકાર એકવાર શેર કરવા માટેનો છે.

ડેટા અને સંમતિ ડિલીટ કરવા / તેનો નાશ કરવો/ તેને વાઇપ કરવા / તેની ધારણા કરવી

તમે તમારા UPI વ્યવહારનો ડેટા અને લોન અરજીનો ડેટા ડિલીટ કરી શકો છો, જેની અસર તરીકે આવા ડેટાના ઉપયોગ માટેની તમારી સંમતિ રદબાતલ થશે, જે તમે તમારા Google એકાઉન્ટ સેટિંગની કોઈપણ સમયે મુલાકાત લઈને કરી શકો છો. જોકે, Google Pay તેના પાર્ટનર દ્વારા આવા ડેટા ડિલીટ કરવા બાબતે કોઈ જવાબદારી લેતું નથી. ઉપરાંત, ડેટા સ્થાનિક કાયદા અને નિયમનો દ્વારા મંજૂર હોય તે મુજબ અથવા કાનૂની કારણોસર જ ડિલીટ કરવામાં આવશે. કૃપા કરીને Googleની ડિલીટ કરવાની, વાઇપ કરવાની અને ધારણાની પૉલિસીઓ વિશે Google પ્રાઇવસી પૉલિસી પર વધુ વાંચો.

સુરક્ષા

Google વ્યક્તિગત ડેટા(પૉલિસી મુજબ)ને લાગુ થતા કાયદાના અનુપાલનમાં સુરક્ષિત રાખે છે.

23. બૌદ્ધિક સંપદા હકોનો ઉપયોગ અને સંરક્ષણ

Google Pay સેવાઓનું કૉપિરાઇટ, ટ્રેડમાર્ક, પેટન્ટ, વ્યાવસાયિક રહસ્યો અને/અથવા અન્ય બૌદ્ધિક સંપદા કાયદા દ્વારા રક્ષણ થાય છે. Google Pay સેવાઓમાં શીર્ષક, કૉપિરાઇટ અને અન્ય વિશ્વવ્યાપી બૌદ્ધિક સંપદા હકોની માલિકી Google LLC ધરાવે છે. આ સંયુક્ત Google Pay શરતો Google Pay સેવાઓમાં બૌદ્ધિક સંપદા હકોના કોઈપણ અધિકારો તમને આપતી નથી. અહીં સમાવિષ્ટ કોઈપણ બાબત વપરાશકર્તાઓને, આગોતરી લેખિત સંમતિ વિના, Google અથવા તેની Group કંપનીઓના બૌદ્ધિક સંપદા હકોનો ઉપયોગ કરવા, લાગુ કરવા, અતિક્રમણ કરવા કે કોઈપણ રીતે તેનો દુરૂપયોગ અથવા ઉલ્લંઘન કરવા અધિકૃત કરતી નથી. આ સાથે તમને, આ શરતો બાબતે તમારી સંમતિને આધીન રહીને, Google Pay સેવાઓનો ઉપયોગ કરવાનું મર્યાદિત લાઇસન્સ આપવામાં આવ્યું છે. તમે BHIM UPI ઇન્ફ્રાસ્ટ્રક્ચર મારફતે તમારા વાપરનારા પાસેથી ચુકવણીઓ સ્વીકારવા માટે Google Payનો ઉપયોગ કરવાનું ઇચ્છતા વેપારી હો, તો Google Pay ટ્રેડમાર્ક અને Google Pay લોગોનો ઉપયોગ કરવાનો તમારો મર્યાદિત અધિકાર આ Google Pay બ્રાંડના દિશાનિર્દેશો મુજબ રહેશે.

Google Pay ઍપને અથવા મારફતે પ્રતિસાદનો સમાવેશ કરતું કન્ટેન્ટ તમે અપલોડ કરો, સબમિટ કરો, સ્ટોર કરો, મોકલો કે પ્રાપ્ત કરો ત્યારે, તમે Googleને આવા કન્ટેન્ટનો ઉપયોગ કરવાનું, હોસ્ટ કરવાનું, સ્ટોર કરવાનું, રિપ્રોડ્યુસ કરવાનું, તેમાં ફેરફાર કરવાનું, તેની પ્રકાશિત નકલો બનાવવાનું (જેમ કે તમારું કન્ટેન્ટ Google Pay સેવાઓ સાથે બહેતર કામ કરે તે માટે અમે જે અનુવાદો, અનુકૂલનો કે અન્ય ફેરફારો કરીએ તેને પરિણામે બને તે), કમ્યુનિકેટ કરવાનું, પબ્લિશ કરવાનું, સાર્વજનિક રીતે પર્ફોર્મ કરવાનું, સાર્વજનિક રીતે બતાવવાનું અને વિતરણ કરવાનું વિશ્વવ્યાપી કાયમી લાઇસન્સ આપો છો. આ લાઇસન્સનો Google દ્વારા ઉપયોગ ન થાય તો પણ તે તમારા તરફ પાછું ફરશે નહીં. આ લાઇસન્સમાં તમે જે અધિકારો આપો છો તે Google Pay સેવાઓ ઑપરેટ કરવા, પ્રમોટ કરવાના અને બહેતર બનાવવા તેમજ નવી સેવાઓ વિકસાવવા માટેના મર્યાદિત ઉદ્દેશ માટે છે. તમે Google Pay સેવાઓનો ઉપયોગ બંધ કરી દો તો પણ આ લાઇસન્સ ચાલુ રહે છે.

24. ટેક્સ માટેની જવાબદારી

Google Pay સેવાઓના ઉપયોગમાંથી ઉદ્દભવતા કોઈપણ લાગુ થતા ટેક્સનો રિપોર્ટ અને જાણ કરવાની જવાબદારી તમારી છે. તમે આ સાથે Google Pay સેવાઓના તમારા ઉપયોગ સંબંધે ટેક્સના કોઈપણ અને તમામ લાગુ થતા કાયદાનું પાલન કરવા સંમત થાઓ છો, જેમાં કોઈ મર્યાદા વગર સમાવેશ થાય છે, Google Pay સેવાઓ મારફતે કરેલી ચુકવણીઓ અથવા Google Pay સેવાઓ મારફતે પ્રાપ્ત કરેલા ભંડોળ/આવક સંબંધે ઉદ્દભવતા કોઈપણ ટેક્સનો રિપોર્ટ અને ચુકવણી કરવી

25. નુકસાન ભરપાઈ

તમે Google, Group કંપનીઓ, ચુકવણી સહભાગીઓ અને તેના તથા તેમના ડાયરેક્ટર, અધિકારીઓ, માલિકો, એજન્ટ, સહ-બ્રાંડર કે અન્ય પાર્ટનર, કમર્ચારીઓ, માહિતી પ્રદાતાઓ, લાઇસન્સ આપનારા, લાઇસન્સ ધરાવનારા, સલાહકારો, કોન્ટ્રાક્ટર અને અન્ય લાગુ થતા ત્રીજા પક્ષો (સંયુક્ત રીતે "નુકસાન ભરપાઈ થઈ હોય તેવા પક્ષો")ને કોઈપણ અને તમામ દાવા, માગ, ઍક્શનના મૂળ કારણો, દેવું કે જવાબદારીમાંથી અને તેની સામે નુકસાન ભરપાઈ કરી આપવા, પ્રતિવાદ કરવા અને ક્ષતિમુક્ત રાખવા સંમત થાઓ છો જેમાં, વાજબી એટર્ની ફીનો સમાવેશ થાય છે અને જેમાં નીચેની બાબતે ઉદ્દભવતી, નીચેના સંબંધે કે નીચેનામાંથી ઉદ્દભવતી એટર્નીની ફી અને નુકસાન ભરપાઈ થઈ હોય તેવા પક્ષો દ્વારા થયેલા ખર્ચનો કોઈ મર્યાદા વગર સમાવેશ થાય છે:

(a) સેવાઓનો તમારો ઉપયોગ;

(b) આ Google Pay શરતોની કોઈપણ શરતો અથવા કોઈપણ Google Pay પૉલિસીઓનો તમે કરેલો ભંગ અથવા બિન-અનુપાલન;

(c) તમારી ક્રિયાઓ કે ચૂકને કારણે થયેલી કોઈપણ તકરાર કે દાવો; અથવા

(d) કોઈપણ લાગુ થતા કાયદા અથવા ત્રીજા પક્ષના અધિકારો બાબતે તમારી નિષ્કાળજી કે ઉલ્લંઘન કે કથિત ઉલ્લંઘન.

26. અસ્વીકાર

સેવાઓ પર ઉપલબ્ધ બનાવાતા, તે સંબંધે પ્રદાન કરાતા અથવા તે મારફતે ઍક્સેસ કરી શકાતા તમામ કન્ટેન્ટ, સૉફ્ટવેર, ફંક્શન, મટિરિયલ અને માહિતી સહિતની સેવાઓ "જેમ છે તેમ" પ્રદાન કરાય છે. કાયદા દ્વારા પરવાનગી હોય તેટલી સંપૂર્ણ હદ સુધી, Google અને Group કંપનીઓ અને તેમના એજન્ટ, સહ-બ્રાંડર અથવા અન્ય પાર્ટનર, જેમાં ડિવાઇસ ઉત્પાદકો શામેલ છે પણ આટલા પૂરતું મર્યાદિત નથી (સંયુક્ત રીતે, "Googleના પક્ષો") સેવાઓ અથવા સેવાઓ પર ઉપયોગમાં લેવાતા કે તેના મારફતે ઍક્સેસ કરાતા સૉફ્ટવેર દ્વારા ઍક્સેસ કરવા યોગ્ય બનાવયેલા કન્ટેન્ટ, મટિરિયલ, માહિતી અને ફંક્શન બાબતે અથવા સેવાઓ મારફતે સંવેદનશીલ માહિતીના પ્રસારણ સાથે સંકળાયેલા કોઈપણ સુરક્ષાના ભંગ બાબતે કોઈ રજૂઆત કે વૉરંટી આપતા નથી. Googleનો દરેક પક્ષ મર્યાદા વગર, સેવાઓ, બિનઉલ્લંઘન, વેપાર યોગ્યતા અથવા જે-તે ઉદ્દેશ માટેની યોગ્યતા બાબતે કોઈપણ વૉરંટી આપવાનો અસ્વીકાર કરે છે. Google વૉરંટી આપતું નથી કે સેવાઓમાં સમાવિષ્ટ ફંક્શન વિક્ષેપ વિનાના અને ભૂલ મુક્ત રહેશે. ચુકવણી વ્યવહારો, P2P ચુકવણીઓ કે સેવાઓની રસીદ, પ્રક્રિયા, સ્વીકાર, પૂર્ણતા કે પતાવટને અસર કરી શકે તેવી સિસ્ટમની નિષ્ફ્ળતાઓ કે અન્ય વિક્ષેપો સહિત પણ તેટલા પૂરતા મર્યાદિત નહીં તેવા કોઈપણ સેવાના વિક્ષેપો માટે Google જવાબદાર રહેશે નહીં.

કોઈપણ ચુકવણીના ઇન્સ્ટ્રુમેન્ટની સચોટતા, જેમાં આવી માહિતી વર્તમાન અને અપ-ટૂ-ડેટ છે કે કેમ તેનો કોઈ મર્યાદા વગર સમાવેશ થાય છે તે, બાબતે Googleના પક્ષો જવાબદાર નથી. અગાઉના વાક્યના સામાન્ય નિરૂપણને મર્યાદિત કર્યા વિના, તમે સ્પષ્ટ રીતે સ્વીકાર કરો છો અને સંમત થાઓ છો કે આવી માહિતી રજૂકર્તા દ્વારા સ્થાપિત જે-તે સમયે રજૂકર્તા દ્વારા રિપોર્ટ કરવામાં આવે છે અને સેવાઓ દ્વારા તે તમને બતાવાય તે સમયે અથવા તમે ખરીદી કે રિડીમ કરો તે સમયે તે તમારા વર્તમાન વ્યવહારો, ઉપલબ્ધ બૅલેન્સ કે અન્ય એકાઉન્ટ કે પ્રોગ્રામની વિગતો સચોટ રીતે ન દર્શાવે તેમ બની શકે. તમારા રજૂકર્તા સાથેના તમારા કરાર મુજબ આવા વ્યવહારોના પરિણામે તમને ઓવરડ્રાફ્ટ ફી કે અન્ય શુલ્ક જેવી ફી લાગે તેમ બને અથવા ખરીદી કે રિડીમ કરવાનો તમારો પ્રયત્ન સફળ ન રહે તેમ બને.

27. જવાબદારીની મર્યાદાઓ; અનપેક્ષિત ઘટના

કોઈપણ સંજોગમાં Google કે તેની Group કંપનીઓ કોઈપણ અપ્રત્યક્ષ, પરિણામિક, વિશિષ્ટ, દંડાત્મક કે લાક્ષણિક ક્ષતિ કે નુકસાન બદલ તમને કે કોઈપણ ત્રીજા પક્ષને ઉત્તરદાયી કે જવાબદાર રહેશે નહીં, જેમાં નફા, પ્રતિષ્ઠા, ઉપયોગ, ડેટા કે અન્ય અમૂર્ત બાબતના નુકસાન જે કોઈપણ Googleનો પક્ષ અથવા સેવાઓ કે સેવાઓ મારફતે ખરીદાયેલા, પ્રાપ્ત થયેલા, વેચાયેલા કે તે બદલ ચુકવણી હોય તેવા કોઈપણ સામાન, સેવા કે માહિતી સંબંધે થયું હોઈ શકે, જેમાં દાવાના પ્રકાર કે ઍક્શનના મૂળ કારણને ધ્યાનમાં લેવાતું નથી, તે શામેલ છે પણ આટલા પૂરતું મર્યાદિત નથી, Googleના પક્ષને આવી ક્ષતિ કે નુકસાનની સંભાવના અંગે જાણ કરવામાં આવી હોય તો પણ. કોઈપણ સંજોગમાં, આ સંયુક્ત Google Pay શરતોમાંથી ઉદ્દભવતી કે તેને સંબંધિત Googleના પક્ષોની કુલ સંચિત જવાબદારી, દાવાના તરત અગાઉના ત્રણ મહિનાના સમયગાળા દરમિયાન Googleને તમારા માન્ય વ્યવહારોમાંથી ખરેખર પ્રાપ્ત થયેલા અને તેણે જાળવી રાખેલા ચોખ્ખા શુલ્ક કરતાં વધશે નહીં.

આ Google Pay શરતોની કોઈપણ બાબતનો ઉદ્દેશ કોઈપણ પક્ષને આ માટેની જવાબદારીમાંથી બાકાત કે મર્યાદિત રાખવાનો નથી (i) મૃત્યુ કે વ્યક્તિગત ઇજા; (ii) કપટ; (iii) કપટપૂર્ણ ભ્રામક માહિતી; અથવા (iv) કાયદા દ્વારા બાકાત કે મર્યાદિત રાખી ન શક્ય તેવી કોઈપણ જવાબદારી.

તમે અને Google સ્વીકાર કરો છો કે અહીં જણાવેલી જવાબદારીની મર્યાદાઓ પર અને આ મર્યાદાઓ પક્ષો વચ્ચેના સોદા માટે આવશ્યક આધાર હોવા પર વિશ્વાસ રાખીને દરેક પક્ષે આ સંયુક્ત Google Pay શરતોમાં પ્રવેશ કર્યો છે. ઉપર જણાવેલી બાબતો ઉપરાંત અને તે કોઈના પર પણ મર્યાદા મૂક્યા વગર, Googleના પક્ષના વાજબી નિયંત્રણની બહાર હોય તેવી કોઈપણ પરિસ્થિતિમાંથી પરિણમતી કોઈપણ નિષ્ફ્ળતા કે વિલંબ માટે આવા પક્ષની કોઈપણ જવાબદારી રહેશે નહીં, જેમાં સરકારી પગલાં કે આતંકવાદના કૃત્યો, ધરતીકંપ, આગ, પૂર કે અન્ય કુદરતી આપદા, શ્રમિક પરિસ્થિતિઓ, વીજળી જવી અને ઇન્ટરનેટની ખલેલો શામેલ છે પણ આટલા પૂરતું જ મર્યાદિત નથી.

28. સમાપ્તિ અને સસ્પેન્શન

અમે માત્ર અમારી અને સ્પષ્ટ વિવેકબુદ્ધિએ, એક કે તેથી વધુ Google Pay સેવાઓનો તમારો ઉપયોગ, નોટિસ આપ્યા વિના અને તમારા કે કોઈપણ ત્રીજા પક્ષ પરત્વે જવાબદારી વિના, કોઈપણ મર્યાદા વગર સમાવિષ્ટ નિષ્ક્રિયતા કે આ સંયુક્ત Google Pay શરતો અથવા અમે સમય સમય પર સ્થાપિત કરીએ તે અન્ય પૉલિસીઓના ઉલ્લંઘન સહિતના કોઈપણ કારણસર, સસ્પેન્ડ કે સમાપ્ત કરવાનો અધિકાર આરક્ષિત રાખીએ છીએ.

29. જાહેરાત

અમુક Google Pay સુવિધાઓ જાહેરાતની આવક દ્વારા સપોર્ટેડ હોય અને જાહેરાતો તથા પ્રમોશન બતાવે તેમ બની શકે. Google તમને સેવાઓનો ઍક્સેસ અને તેનો ઉપયોગ કરવા આપે તેના બદલામાં તમે સંમત થાઓ છો કે Google આવી જાહેરાતો અને પ્રમોશન મૂકી શકે છે.

30. નિયામક કાયદો; અધિકાર ક્ષેત્ર

Google Pay શરતો અને Google Pay પૉલિસીઓનું સંચાલન અને અર્થઘટન ભારતના કાયદા અનુસાર થશે. તમે સંમત થાઓ છો કે ઉપર જણાવેલ દસ્તાવેજોમાંથી ઉદ્દભવતું કોઈપણ કાયદેસરનું પગલું કે કાર્યવાહીઓ માત્ર નવી દિલ્હી, ભારતમાં અધિકાર ક્ષેત્ર ધરાવતી સક્ષમ કોર્ટ/ટ્રિબ્યુનલમાં અને રદબાતલ ન થઈ શકે તે રીતે પોતાને આવી કોર્ટ/ટ્રિબ્યુનલમાં સબમિટ કરતી કોર્ટ/ટ્રિબ્યુનલમાં લાવી શકાય. તમે સમજો છો કે અમારે લાગુ થતા કાયદા, નિયમનો, કાનૂની પ્રક્રિયા કે સમસ્યાના ઉકેલ માટેની સરકારી વિનંતીને સંતોષવા માટે તમે Google Pay પર આપેલી માહિતી શેર કરવી જરૂરી બની શકે છે.

31. સેવાની શરતોમાં ફેરફાર

માત્ર અમારી અને સ્પષ્ટ વિવેકબુદ્ધિએ કોઈપણ સમયે સંયુક્ત Google Pay શરતોના કોઈપણ ભાગને બદલવાનો, તેમાં ફેરફાર કરવાનો કે સુધારો કરવાનો અમને અધિકાર છે. પ્રારંભિક પોસ્ટિંગ બાદ ફેરફારો અસરમાં આવશે અને તમે સ્વીકાર્યા હોવાનું માનવામાં આવશે તેમજ પોસ્ટ કર્યાની તારીખ પછી થયેલા વ્યવહારો સંબંધે આગળ ઉપર લાગુ કરવાના આધારે લાગુ થશે. આવા કોઈપણ ફેરફાર સાથે તમે સંમત ન હો તો તે સંજોગમાં, તમારા માટે એકમાત્ર અને સ્પષ્ટ ઉકેલ સેવાઓનો તમારો ઉપયોગ સમાપ્ત કરવાનો છે.

આ ઉપરાંત, Google Pay ઍપ અથવા સેવાઓમાં (સંપૂર્ણ કે તેનો કોઈ હિસ્સો) હંગામી કે કાયમી રીતે, કોઈપણ સમયે ફેરફાર કરવાનો કે તે બંધ કરવાનો અધિકાર અમે આરક્ષિત રાખીએ છીએ. અમે માત્ર અમારી વિવેકબુદ્ધિએ, લાગુ થતા શુલ્ક સહિત, સેવાઓ બદલી પણ શકીએ છીએ. તમે ફેરફારો સાથે સંમત થતા ન હો, તો તમે સેવાઓનો ઉપયોગ કરવાનું અટકાવી શકો છો. ફેરફાર(ફેરફારો) લાગુ થયા બાદ સેવાઓનો તમારો ઉપયોગ આવા ફેરફાર(ફેરફારો) બાબતે તમારી સંમતિની રચના કરે છે. તમે સંમત થાઓ છો કે સેવાઓમાં કોઈપણ ફેરફાર, તેનું સસ્પેન્શન કે તે બંધ કરવા બદલ અમે તમને કે કોઈપણ ત્રીજા પક્ષને જવાબદાર રહેશું નહીં.

32. અંગ્રેજી ભાષાના નિયંત્રણો

આ સંયુક્ત Google Pay શરતોનો કોઈપણ અનુવાદ તમારી સગવડ માટે આપવામાં આવ્યો છે. અહીં શરતો, નિયમો અને રજૂઆતોના અર્થ અંગ્રેજી ભાષાની વ્યાખ્યાઓ અને અર્થઘટનોને આધીન છે. આપેલો કોઈપણ અનુવાદ મૂળ અંગ્રેજીમાં આપેલી માહિતીની સચોટ રજૂઆત ન કરતો હોય તેમ બને.

33. સોંપણી

તમે આ સંયુક્ત Google Pay શરતો અને આ અંતર્ગત અપાતા કોઈપણ અધિકારો અને લાઇસન્સને ટ્રાન્સફર કે તેની સોંપણી ન કરી શકો. આ કરારના લાભ કે જવાબદારીઓની અમે સંપૂર્ણપણે કે હિસ્સામાં સોંપણી કરી શકીએ. આવી સોંપણીની અમે તમને જાણ કરીશું, જે આ નિયમો અને શરતોના પક્ષકારોને બંધનકારક રહેશે.

34. જતું કરવું તે

આ કરારમાં અન્યથા સ્પષ્ટ રીતે જણાવાયું હોય તે સિવાય, સંયુક્ત Google Pay શરતો અંતર્ગત કોઈ અધિકાર કે વળતરનો અમલ કરવામાં નિષ્ફ્ળતા કે અમલ કરવામાં વિલંબ થવાથી તે અધિકાર કે વળતર જતા કરવામાં આવતા નથી કે અન્ય કોઈપણ અધિકાર કે વળતર જતા કરવામાં આવતા નથી તેમજ સંયુક્ત Google Pay શરતો અંતર્ગત કોઈ અધિકાર કે વળતરનો એકલ કે આંશિક અમલ થવાથી તે અધિકાર કે વળતરનો આગળ ઉપર અમલ કરવાનું કે અન્ય કોઈપણ અધિકાર કે વળતરનો અમલ કરવાનું અટકાવાશે નહીં.

35. જોગવાઈઓનું ચાલુ રહેવું

સંયુક્ત Google Pay શરતોની શરતો અને જોગવાઈઓ, જેના પ્રકાર અને કન્ટેન્ટ અનુસાર તેમનો ઉદ્દેશ અહીંના કોઈપણ કે તમામ પક્ષોના પર્ફોર્મન્સને ધ્યાનમાં લીધા વિના ચાલુ રહેવાનો છે અને આ કરારની પૂર્ણતા તથા સમાપ્તિ સુધી ચાલુ રહેશે.

36. વિભાજ્યતા

સંયુક્ત Google Pay શરતોની કોઈપણ જોગવાઈ, સંપૂર્ણ અથવા આંશિક રીતે અમાન્ય કે લાગુ કરવા માટે અયોગ્ય હોય કે બને, પરંતુ તે જોગવાઈનો અમુક હિસ્સો ડિલીટ કરવાથી તે માન્ય કે લાગુ કરવા માટે યોગ્ય બને તો તે જોગવાઈને માન્ય બનાવવા માટે જરૂરી હોય તે મુજબના ડિલીટ કરવાની પ્રક્રિયા સાથે તે લાગુ થશે. સક્ષમ અધિકાર ક્ષેત્રની કોઈ કોર્ટ/ટ્રિબ્યુનલ સંયુક્ત Google Pay શરતોની કોઈપણ જોગવાઈને ગેરકાયદેસર કે અન્યથા બિનઅસરકારક ઠેરવે, તો બાકીની સંયુક્ત Google Pay શરતો સંપૂર્ણ પ્રભાવ સાથે જળવાયેલી રહેશે અને ગેરકાયદેસર કે અન્યથા બિનઅસરકારક જોગવાઈને બદલે નવી જોગવાઈ આવશે, જે બદલવાની છે તે જોગવાઇનો ઉદ્દેશ પ્રતિબિંબિત કરશે.

Google Pay શરતોમાં ઉમેરણી: ભારતના અનિવાસીઓ માટે Google Payની સેવાની શરતો

1. પ્રસ્તાવના

લાગુ થતી શરતો. ભારતના અનિવાસીઓ માટેની આ Google Pay સેવાની શરતો ("Google Pay અનિવાસી માટેની શરતો") Google Pay શરતોનો હિસ્સો છે અને તેમને પૂરક બનશે, તેમજ તે Google Pay પર UPI ("UPI પર NRE/NRO એકાઉન્ટ")નો ઉપયોગ કરવાનું પસંદ કર્યું હોય તેવા યોગ્યતા ધરાવતા અનિવાસી વપરાશકર્તાઓ (નીચે વ્યાખ્યાયિત કર્યા મુજબ)ને લાગુ થાય છે. આ Google Pay અનિવાસી માટેની શરતો અને બાકીની Google Pay શરતો વચ્ચે કોઈ ઘર્ષણ હોય તો UPI પર NRE/NRO એકાઉન્ટ સંબંધે આ Google Pay અનિવાસી માટેની શરતોનું પ્રાધાન્ય રહેશે.

યોગ્યતા ધરાવતા અનિવાસી વપરાશકર્તાઓ. UPI પર NRE/NRO એકાઉન્ટ એવા વપરાશકર્તાઓને ઉપલબ્ધ છે જે અનિવાસી ભારતીયો ("NRIs") છે જે ફોરેન એક્સચેન્જ મેનેજમેન્ટ એક્ટ, 1999 ("FEMA")ના અનુપાલનમાં, અનિવાસી (બાહ્ય) રૂપિયાના ચલણમાં એકાઉન્ટ ("NRE એકાઉન્ટ") ધરાવે છે અથવા અનિવાસી સામાન્ય રૂપિયાના ચલણમાં એકાઉન્ટ ("NRO એકાઉન્ટ") ધરાવે છે તેમજ નીચેનામાંથી કોઈપણ દેશના કોડ સાથેના મોબાઇલ નંબર ધરાવે છે ("યોગ્યતા ધરાવતા અનિવાસી વપરાશકર્તાઓ"):

• સિંગાપોર દેશનો કોડ (+65).

Google UPI પર NRE/NRO એકાઉન્ટ અને આ Google Pay અનિવાસી શરતો, લાગુ થતા કાયદાને આધીન રહીને, સમય સમય પર અન્ય દેશના કોડ સાથેના મોબાઇલ નંબર ધરાવતા NRI વપરાશકર્તાઓને એક્સટેન્ડ કરે તેમ બને.

UPI પર NRE/NRO એકાઉન્ટનો ઉપયોગ કરવાનું પસંદ કરનારા યોગ્યતા ધરાવતા અનિવાસી વપરાશકર્તાઓ માટે Google Pay શરતો સહિત સંયુક્ત Google Pay શરતો (તેઓ ભારતના નિવાસીઓ હોય તેમ) બંધનકર્તા રહેશે, જેમાં ભારતના અનિવાસીઓ માટેની આ Google Pay સેવાની શરતો પૂરક રહેશે.

તમે સમજો છો અને સંમત થાઓ છો કે Google સમય સમય પર આમાંની કોઈપણ Google Pay અનિવાસી માટેની શરતો અપડેટ કરવાનો અધિકાર આરક્ષિત રાખે છે. તમે તમારી જાતને અપ ટૂ ડેટ રાખો અને થોડા અંતરાલોએ આ Google Pay અનિવાસી માટેની શરતો અને સંયુક્ત Google Pay શરતો વાંચો તેની તમારે ખાતરી રાખવી જોઈએ.

2. UPI પર NRE/NRO એકાઉન્ટનો ઉપયોગ કરતા વ્યવહારો

વ્યવહારની મર્યાદાઓ. UPI પર NRE/NRO એકાઉન્ટનો ઉપયોગ કરતો દરેક વ્યવહાર સમય સમય પર (i) FEMA અંતર્ગત; અને/અથવા (ii) UPI સંબંધે NPCI દ્વારા; અને/અથવા (iii) તમારું NRE એકાઉન્ટ અથવા NRO એકાઉન્ટ જ્યાં જળવાતું હોય તે બેંક દ્વારા (જેમ સંજોગ હોય તેમ) આપેલી લઘુતમ અને મહત્તમ વ્યવહારની મર્યાદાઓને આધીન છે.

પરવાનગી આપી શકાય તેવા વ્યવહારો. તમે UPI પર NRE/NRO એકાઉન્ટનો ઉપયોગ માત્ર, FEMA સહિતના લાગુ થતા કાયદાને આધીન, તમારા NRE એકાઉન્ટ અથવા NRO એકાઉન્ટ (જેમ સંજોગ હોય તેમ) માટે પરવાનગી આપેલા વ્યવહારો માટે કરી શકો.

3. બંધ કરેલી સુવિધાઓ

તમે સમજો છો અને સંમત થાઓ છો કે Google, કોઈ પણ સમયે, માત્ર તેની વિવેકબુદ્ધિએ આગોતરી નોટિસ વિના, Google Payમાંથી અને/અથવા UPI પર NRE/NRO એકાઉન્ટમાંથી સુવિધાઓ અને/અથવા ફંક્શનાલિટી પાછી ખેંચવાનો અધિકાર આરક્ષિત રાખે છે. તદનુસાર, આવી સુવિધાઓ/ફંક્શનાલિટી સંબંધે Google Pay શરતોમાં જે-તે જોગવાઈઓ UPI પર NRE/NRO એકાઉન્ટનો ઉપયોગ કરવાનું પસંદ કરનારા યોગ્યતા ધરાવતા અનિવાસી વપરાશકર્તાઓને લાગુ થશે નહીં.

ઉદાહરણ તરીકે, નીચેની Google Pay સુવિધાઓ UPI પર NRE/NRO એકાઉન્ટનો ઉપયોગ કરવાનું પસંદ કરનારા યોગ્યતા ધરાવતા અનિવાસી વપરાશકર્તાઓ સંબંધે બંધ કરવામાં આવી છે:

(a) યોગ્યતા ધરાવતા અનિવાસી વપરાશકર્તાઓને ફોનબુકના ઍક્સેસ બાબતે પ્રૉમ્પ્ટ કરવામાં આવશે નહીં અને આવા યોગ્યતા ધરાવતા અનિવાસી વપરાશકર્તાઓને Google Pay ઍપમાં કોઈ ફોનબુક સંપર્ક માહિતી દેખાશે નહીં.

(b) યોગ્યતા ધરાવતા અનિવાસી વપરાશકર્તાઓને Google Pay પર લોન સુવિધાની સેવાઓ અથવા અન્ય નાણાકીય પ્રોડક્ટ મેળવવાની પરવાનગી મળશે નહીં.

(c) યોગ્યતા ધરાવતા અનિવાસી વપરાશકર્તાઓને આંતરરાષ્ટ્રીય ચુકવણીઓ માટે ચુકવણીના પ્રકાર ઉમેરવાની પરવાનગી મળશે નહીં.

(d) યોગ્યતા ધરાવતા અનિવાસી વપરાશકર્તાઓને વર્ચ્યુઅલ એકાઉન્ટ નંબર બનાવીને Google Pay વડે ક્રેડિટ કે ડેબિટ કાર્ડ ટોકનાઇઝ કરવાની પરવાનગી મળશે નહીં.

(e) યોગ્યતા ધરાવતા અનિવાસી વપરાશકર્તાઓને FEMA અંતર્ગત NRE એકાઉન્ટ અને ભારતની બહાર રહેતા લોકો માટેના પરવાનગી આપી શકાય તેવા અન્ય એકાઉન્ટ વચ્ચે ભંડોળ ટ્રાન્સફર કરવાની પરવાનગી મળશે નહીં.

(f) NRE એકાઉન્ટ અથવા NRO એકાઉન્ટનો ઉપયોગ કરતા યોગ્યતા ધરાવતા અનિવાસી વાપરાશકર્તાઓનો સંદર્ભ આપવા બદલ, Google Pay ગ્રાહક તરીકે કોઈ વપરાશકર્તા કૅશબૅક રિવૉર્ડ કે સ્ક્રૅચ કાર્ડ માટેની યોગ્યતા મેળવશે નહીં. એ જ રીતે, NRE એકાઉન્ટ અથવા NRO એકાઉન્ટનો ઉપયોગ કરતા યોગ્યતા ધરાવતા અનિવાસી વાપરાશકર્તાઓ પણ રેફરલ કૅશબૅક રિવૉર્ડ કે સ્ક્રૅચ કાર્ડ પ્રાપ્ત કરવાની યોગ્યતા મેળવશે નહીં.

(g) એ જ રીતે, NRE એકાઉન્ટ અથવા NRO એકાઉન્ટનો ઉપયોગ કરતા યોગ્યતા ધરાવતા અનિવાસી વાપરાશકર્તાઓને અન્ય GPay વપરાશકર્તાઓ તરફથી ચુકવણીઓ પ્રાપ્ત કે એકત્ર કરવા માટે એકત્ર કરવાની વિનંતીઓ ટ્રિગર કરવાની પરવાનગી મળશે નહીં.

(h) યોગ્યતા ધરાવતા અનિવાસી વાપરાશકર્તાઓને Google Pay પર RuPay ક્રેડિટ કાર્ડ લિંક કરવાની પરવાનગી મળશે નહીં.

(i) યોગ્યતા ધરાવતા અનિવાસી વાપરાશકર્તાઓને તેમના UPI ID તેમના ફોન નંબર સાથે લિંક કરવાની પરવાનગી મળશે નહીં.